Misebezi ya Baapositola 9

36 Iino mu Jopa kwali umwi mwanakazi musyomi wezina lya Tabbita, mu Cigiliki ngu Dokasi caamba kuteeti mbaambi. Nako yoonse walikucitila bamwi zibotu okugwasya bapenzi. 37 Aleeyo nako wakaciswa okufwa. Mpoonyina mubili wakwe bakuusanzya okuubika mungʼanda yomujulu. 38 Mukuteeti Lida yalaafwiifwi o Jopa, basyomi nibakamvwa kuteeti Pita ulimu Lida, bakatuma baalumi bobile kuyaambila Pita kuteeti, "Aakakayo twakombelela koza kulindiswe cokufwambaana." 39 Mpoonyina Pita wakanyamuka okwiinkaabo. Naakasika, bakamutola mungʼanda yomujulu kubakaakumubunganina bamukabafu kabalila okumutondezya majansi ezizwaato zimwi Dokasi zyaakabalukilide naacili kupona.