18 Honyuma w’ebyo, Basandukayo bagʉma mobahikira Yesʉ. Nɨ aBasandukayo abo bo bananegena bathɨ abaholi bathindalubuke. Mobamʉbʉtsya bathɨ: 19 «Mʉkangɨrɨtsya, Mʉsa mwathʉshakɨra mo Mʉgomba athɨ: "Omʉndʉ amabya awithe mʉgalabo, naye amafwa n’ishiga mʉkatsɨwe buthashiga mwana, mʉgalabo angɨngɨrɨra omʉshʉmbakatsɨ oyo bʉshana abʉthɨre mʉgalabo yo wafwaga yo bana12:19 Soma Ɨbʉka mʉgomba 25:5-6.." 20 Aho, kwabyaga bandʉ balɨnda ba mʉ nda ngʉma. Kambere mwahikya mʉkatsɨ, hewethuwe mwafwa bʉtsɨra imika mwana. 21 Mʉlʉmʉna ʉwe mw’ɨngɨrɨra omʉkatsɨ oyo, naye mwafwa kuthyo bʉtsɨra imika mwana. Na mobyabya bithyo kʉ mʉgalabo wa kashathʉ, 22 n’ihika ko balɨnda boshi. Aboshi mobahikya omʉkatsɨ oyo, bʉlɨ mʉgʉma honyuma w’olʉholo lwa mulikyabo, hewethuwe mobafwa bʉtsɨra imika bana. Na ko nduli, omʉkatsɨ oyo naye mwafwa. 23 Ewono, ekɨro abaholi bandalubuka, omʉkatsɨ oyo andabya wa ndɨ? Kʉshangwa abalɨnda boshi babyaga nɨ bamamuhikya!»
24 Yesʉ mwashʉbɨtsyabo athɨ: «Mwamayɨthɨma bʉshana n’obʉthamɨnya aMashako Abuyirire kʉtse amaka wa Gongo. 25 Kʉshangwa abaholi bandabya balubuka, bandabyaho nga abamalaɨka ko balɨho mo lʉbʉla. Bathindahikye kʉtse ihikibwa. 26 Na bʉshana n’erilubuka ly’abaholi, mʉthahera mwathasoma mo kɨtabo ky'oMʉgomba wa Mʉsa, ebyo aMashako owanegenire bʉshana n’ekɨkala kyo kyagenda ekɨgʉlɨmɨra? Gongo mwabwɨra Mʉsa athɨ: "Ingye ngyo Gongo wa Abʉrahamʉ, Gongo wa Isaka na Gongo wa Yakobo12:26 Soma ɨthoka 3:2-6.!" 27 Yesʉ mwashʉba bwɨrabo athɨ: "Gongo athalɨ Gongo w’abaholi, hewethuwe nɨ Gongo w’abalɨho. Imwe mwamayɨthɨma kundu."»