28 Mʉkangɨrɨtsya mʉgʉma w'oMʉgomba abyaga aho Yesʉ abere aliakubisania-kubisania n’aBasandukayo. Ɨye mwamɨnya ko Yesʉ mwashʉbɨtsyabo kʉbʉya. Aho mwayɨfʉnda hofɨ naye n’ɨmʉbʉtsya athɨ: «Ithegeko lɨhe lyo lɨkʉlʉ mo kathi k’amathegeko woshi?» 29 Yesʉ mwamʉshʉbɨtsya athɨ: «Erithegeko lɨkʉlʉ mo kathi k’awoshi nɨ lɨno: "Mwonvwe, imwe bana b’Isiraeli! Nyinya-kowethʉ Gongo wethʉ yo Nyinya-kowethʉ yowene. 30 Ʉtsɨɨre Nyinya-kowethʉ Gongo wawe n’omʉthɨma awe woshi, n’omʉthɨma awe woshi, n’obwenge bwawe boshi n’akagala kawe koshi." 31 N'erithegeko inene lya kabɨrɨ nɨ lɨno: "Ʉmʉtsɨɨre mulikyenyu nga ko uyitsiire wowene12:31 Soma Balawi 19:18.." Hathalɨ wandɨ mathegeko manene kʉlenga ayo.» 32 oMʉkangɨrɨtsya w’oMʉgomba oyo mwabwɨra Yesʉ athɨ: «Bɨbʉya mbe Mʉkangɨrɨtsya! Wamanegena ekwenene ko Gongo nɨ mʉgʉma yowene kandɨ hathalɨ ʉndɨ Gongo athalɨ ɨye mʉsha. 33 Bʉlɨ mʉndʉ atholere ɨtsɨɨra Gongo ko mʉthɨma ʉwe woshi, na ko bwenge bʉwe boshi, na ko kagala kʉwe koshi, atholere ɨtsɨɨra na mulikyabo nga ko ayitsiire yowene. Ebɨndʉ ebyo bikwirire kʉtsɨbʉ kʉlenga ɨhemba Gongo yo bɨhembo12:33 Soma Osea 6:6. by’okibwa mʉ mʉtsanwa kʉtse ebɨndɨ bɨhembo byoshi.» 34 Yesʉ abere ashʉnga oMʉkangɨrɨtsya w’oMʉgomba kw’amashubya mʉ bwenge, mwamʉbwɨra athɨ: «Ʉthalɨ hale n’oBwamɨ bwa Gongo.» Honyuma kw’aho mohathashubabya mʉndʉ yo washʉbɨra ɨbʉtsya Yesʉ yo kɨnwa.