33 Bwabere bwabya saha ndathʉ, omwitsimya mwabya ko kɨhʉgo kyoshi ihika kʉ saha mwenda. 34 Ko saha mwenda, Yesʉ mwahambala athɨ: «Eloi, Eloi, lama sabakatani.» N’ɨnegena mbʉ: «Gongo waye, Gongo waye, bʉshana na ki wamanyishiga?» 35 Bagʉma mo bandʉ bo babyaga aho, babere bamwonvwa, mobanegena bathɨ: «Mwonvwe, abɨrɨkɨra Elia.» 36 Na mʉgʉma wa mʉbo mwangʉha tsʉba, mwathobetsya kɨrɨmbo mo tifayi ɨtsʉkɨrene15:36 Tifayi ɨtsʉkɨrene: Alɨnga nɨ mafʉ w’abatsene n’abashirikani. Soma Saburi 69:22. n’ɨmɨnɨrakyo kʉ lʉsheke. Honyuma kw’aho, mw’ɨrʉkɨtsyaro Yesʉ, bʉshana ashomero. Nɨanegena athɨ: «Mwathalika, thʉlole nga Elia ahika imukimya ko mʉsalaba.» 37 Hewethuwe Yesʉ mwahambala mʉ mʉlenge mʉnene, na mwatsa omʉthɨma.
38 Aho epasɨya y’omo Nyʉmba ya Gongo15:38 Soma Ɨthoka 26:31-33. moyabereka bɨhande bɨbɨrɨ ɨthangɨra elʉgʉ ihika ahishi. 39 Omʉkʉlʉ w’abashirikani yo wabyaga imene embere sa Yesʉ, abere ashʉnga nga kw’amatsa omʉthɨma, mwanegena athɨ: «Kwenene omʉndʉ oyu athalɨ Mʉgala wa Gongo!»
40 Habyaga bakatsɨ bagʉma bo bagendaga abashʉngɨrabyo hale. Mo kathi kabo habyaga Marɨa w’ɨMangɨndala, Marɨa nyinya w’omʉtsana Yakobo na Yose na ʉndɨ mʉkatsɨ ye Salome. 41 Abakatsɨ aba nɨ abo bakwamaga Yesʉ n’ɨmʉkolera mo mʉgʉlʉ abyaga iNgalilaya. Na kuthyo bandɨ bakatsɨ bangɨ bo bɨrʉkɨraga naye ɨYerʉsalemʉ.
Yesʉ athabwa
(Mat 27:57-61; Luk 23:50-56; Yoa 19:38-42)