Batismo
O batismo é mandamento de Jesus e proclamação pública de fé. É símbolo de morte para o pecado, sepultamento com Cristo e ressurreição para uma vida nova no Espírito.
O mandamento de Jesus
Ide e fazei discípulos, batizando-os em nome do Pai, do Filho e do Espírito Santo. O batismo é porta de entrada na comunidade cristã.
Deenek, tɔ́ka pɛ daa bot ɛ membyak djas di kɔ ɛko ɛ bɔs ɔ, da bi ɛ́ kɛsa náá, bɔɔ djas liigel, da bɛ ɛ́ di bɛdjekel bam. Duuka bɛ Zɛɛb nɛ din ɛ Sɛɛg, nɛ Mɔn, nɛ Sisim na Dɛɛ. Lyoka bɛ, bɛ kɛlooba nɛ esesɛɛ djas mɛ nalyaal bin ɛ. Tin, bi ɛ́ waabee náá, mena waadika lɔɔg wat mɛlu djas, kɛkum dwoo bɔs’ak aabookɛsi ɛ.»
Yezu ɛ́ bootiila pɛ bɛ nadi ɛ, nyɛ ɛ́ booke nɛ nɔɔ náá: «Ye nabɛ ɛ́, Zɛɛb eedjɛ mɛ eghɛŋ nɛ mɛbwala mɛ djas pɛ tɔ gwoo nɛ kɔ bɔs. Deenek, tɔ́ka pɛ daa bot ɛ membyak djas di kɔ ɛko ɛ bɔs ɔ, da bi ɛ́ kɛsa náá, bɔɔ djas liigel, da bɛ ɛ́ di bɛdjekel bam. Duuka bɛ Zɛɛb nɛ din ɛ Sɛɛg, nɛ Mɔn, nɛ Sisim na Dɛɛ. Lyoka bɛ, bɛ kɛlooba nɛ esesɛɛ djas mɛ nalyaal bin ɛ. Tin, bi ɛ́ waabee náá, mena waadika lɔɔg wat mɛlu djas, kɛkum dwoo bɔs’ak aabookɛsi ɛ.»
Ɛduwa Zɛɛb ɛ Yezu Klisto
Dhiiti dwoo Yezu naazɛdus pɛ kyee dik Ghalile zɛkum pɛ dii Yuldɛn pɛ kyee Zaŋ nadi ɛ́, étɛp nyɛ needuwa Zɛɛb dáa Zaŋ.
Mot ɛ dum koŋ nɛ Zɛɛb, da nyɛ ɛ́ duwa Zɛɛb ɔɔ, mot tak ɛ́ waabela tsik. Mot ɛ pɛɛ ɛmyaal ɔɔ, nyɛ waabela ndjɛ tɔ epɛ́ɛ.
Bhii tak nyɛ eezɛlɛɛ nɛ nɔɔ náá: «Tɔ́ka kɔ bɔs djas, kɛgoolaka Mbɛɛ Bhaadal kɔ ɛko ɛ bɔs djas. Mot ɛ dum koŋ nɛ Zɛɛb, da nyɛ ɛ́ duwa Zɛɛb ɔɔ, mot tak ɛ́ waabela tsik. Mot ɛ pɛɛ ɛmyaal ɔɔ, nyɛ waabela ndjɛ tɔ epɛ́ɛ.
Ɛduwa Zɛɛb, nɛ mɛbhowal ɛ Yezu
Tin, tɔ mɛlu menek, Yezu naazɛdus pɛ Nazalɛt, pɛ kyee dik Ghalile, nyɛ eezɛtɔ́ pɛ dii Yuldɛn, étɛp nyɛ neekɛduwa Zɛɛb pɛ daa Zaŋ. É ghɛŋ nyɛ nadi ewyis tɔ dii ɛ, wɔ gwaa, gwoo zɛbɛŋel. Sisim na Dɛɛ eezɛsul kɔ lɛ tyee ɛghum.
Morrer e ressuscitar
Fomos sepultados com Cristo pelo batismo na morte para que andemos em novidade de vida. O batismo é renascimento pelo Espírito.
Bi ààgu náá, é ghɛŋ mena naduwaka Zɛɛb ɛ, menabɛlka djas nabɛ ɛ́, mena mooka mot ngɔt nɛ Yezu Klisto? Ye kwyɛl ɛlɛɛ ɛ́ náá, mena naazegwyɛka sama nɛ nɛ. Dum nɛ ɛduwa Zɛɛb’enek, mena naagwyɛ, delaa sama nɛ Klisto, etɛɛ náá, tyee wat nɛ dáa duma Sɛɛg nasa náá, Klisto gom pak myoŋ ɛ, yɛ ɛ́ deenek ɛ́ menabɛlka pe aabaakɛ tɔ tsik na bes.
Bi ààgu náá, é ghɛŋ mena naduwaka Zɛɛb ɛ, menabɛlka djas nabɛ ɛ́, mena mooka mot ngɔt nɛ Yezu Klisto? Ye kwyɛl ɛlɛɛ ɛ́ náá, mena naazegwyɛka sama nɛ nɛ.
Yɛ aanàkwaasael deenek! Menabɛlka bot ɛ nazegwyɛ é ze mesyem ɔ, haaa étɛp yé mena di baakwyɛlka ɛsik tɔ tsik mesyem? Bi ààgu náá, é ghɛŋ mena naduwaka Zɛɛb ɛ, menabɛlka djas nabɛ ɛ́, mena mooka mot ngɔt nɛ Yezu Klisto? Ye kwyɛl ɛlɛɛ ɛ́ náá, mena naazegwyɛka sama nɛ nɛ. Dum nɛ ɛduwa Zɛɛb’enek, mena naagwyɛ, delaa sama nɛ Klisto, etɛɛ náá, tyee wat nɛ dáa duma Sɛɛg nasa náá, Klisto gom pak myoŋ ɛ, yɛ ɛ́ deenek ɛ́ menabɛlka pe aabaakɛ tɔ tsik na bes.
Tin, yɛ bɛ náá, mena nadika ɛ́ mot ngɔt nɛ nɛ tɔ kɔkɔ mbi ɛsyee ɛ lɛ ɔɔ, mena aabaadika ɛ́ mot ngɔt nɛ nɛ tɔ mbi ɛgom ɛ lɛ pak myoŋ. Bot goka ɛ́ nɛ ɛgu ɛnyɔɛpe náá, mena tokapɛ mbi bot ɛ mena nadika kpaambel ɔ. Mena naazegwyɛka, mbema é mɛlaaba sama nɛ Klisto. Etɛɛ náá, tsik epuud mena nadika nɛ yɛ ɛ́ neegwyɛ, tin, mena needi ààbaadika ekwom e mesyem. Etɛɛ náá, mot nagwyɛ sama nɛ Klisto ɔ, nyɛ moo ɛ́ nyɛ eezedjɛaa di epiki, nyɛ naazepɛkaa tɔ mesyem.
Etɛɛ náá, é ghɛŋ bi naduwa Zɛɛb ɛ, bi nabɛ ɛ́, bi eedelaa sama nɛ Klisto. Tin, biyɔ pe, bi naabaagom sama nɛ nɛ, etɛɛ náá, bi naadum koŋ nɛ mɛbwala mɛ Zɛɛb, mot nagomal Klisto pak bot ɛ nazegwyɛ ɔ.
Etɛɛ náá, biyɔ djas moo ɛ́ bɔn ɛ Zɛɛb tɔ ɛdum ɛ koŋ nɛ Yezu Klisto. Tin, biyɔ djas, bot ɛ zeduwa Zɛɛb pɛ tɔ Yezu Klisto ɔ, bi moo ɛ́ dáa Klisto.
Yezu eezɛbɔɔza náá: «Tsɛɛtsɛ nɛ tsɛɛtsɛ, mɛ lɛɛ wɔ ɛ́ náá, mot ɛ di ààbyel byela mɛdii nɛ Sisim na Dɛɛ ɔɔ, nyɛ aanàkwaani tɔ Ɛyoŋ ɛ Zɛɛb.
Yezu eezɛbɔɔza náá: «Tsɛɛtsɛ nɛ tsɛɛtsɛ, mɛ lɛɛ wɔ ɛ́ náá, mot ɛ di ààbyel byela mɛdii nɛ Sisim na Dɛɛ ɔɔ, nyɛ aanàkwaani tɔ Ɛyoŋ ɛ Zɛɛb.
nyɛ naatsik mena. Nyɛ ààpatsik mena etɛɛ náá, mena naasaka esa di náá, yɛ ɛ́ piki ɛ,
deenek, ye nabɛ ɛ́, etɛɛ náá, nyɛy, nyɛ ɛmet naagek mena ghoŋ.
Nyɛ natsik mena ɛ́, nɛ mɛdii mɛ ɛduwa Zɛɛb mena naduwaka é ɛbyel ɛ na bes ɛ,
nɛ Sisim na Dɛɛ ɛ di edjɛ tsik na bes ɛ.
Tin, mɛdii mɛ bhyoŋ tak kalyaal mos ɛ, ɛduwa Zɛɛb di etsik bin ɛ. Ɛduwa Zɛɛb tak tok étɛp ɛdis mendi di é mɛnyel men ɛ. Yɛ ɛ́ étɛp ɛwaab nɛ Zɛɛb náá, nyɛ sa náá, mena di nɛ elyem sɛŋ. Yɛ ɛ́ kɔ ɛsu ɛ Yezu Klisto mot naagomelaa pak myoŋ ɔ, ɛduwa Zɛɛb di edjɛ mena tsik.
Batismo e Espírito
Arrependei-vos e cada um seja batizado. O batismo no Espírito Santo é poder para vida e testemunho.
Pyɛɛd eezɛbɔɔza nɛ nɔɔ náá: «Mot nɛ mot tɔ len, liigka elyem, da bi ɛ́ duwa Zɛɛb nɛ din ɛ Yezu Klisto, etɛɛ náá, mesyem men neepelaa. Bhii tak, bi ɛ́ waabela ekɛk ɛ Zɛɛb, Sisim na Dɛɛ.
Pyɛɛd eezɛbɔɔza nɛ nɔɔ náá: «Mot nɛ mot tɔ len, liigka elyem, da bi ɛ́ duwa Zɛɛb nɛ din ɛ Yezu Klisto, etɛɛ náá, mesyem men neepelaa. Bhii tak, bi ɛ́ waabela ekɛk ɛ Zɛɛb, Sisim na Dɛɛ.
Ye nabɛ ɛ́, bot ɛbuɛpe tɔ sama yɔɔ naamyaal mɛlyo ɛ Pyɛɛd, wɔ gwaa, bɛ zokazɛduwa Zɛɛb. Dwoo tak, bot ɛkɛɛ sa yɛ aasa bɛmil ɛlɛl (3 000) naabaazɛbilel kɔ sama bot ɛ nazedum koŋ nɛ Zɛɛb sok ɔ.
Tin, dáa bɛ namyaal Mbɛɛ Bhaadal Filip nadi elɛɛ bɛ dum nɛ ɛyoŋ ɛ Zɛɛb, nɛ dum nɛ din ɛ Yezu Klisto ɛ, tin, bɛ naazɛduwa Zɛɛb botom nɛ boa. Dɔɔ nɛ Simɔŋ nyɛy ɛmet naadum koŋ nɛ Zɛɛb, nyɛy pe zokaduwa Zɛɛb. Nyɛ nadi ɛ́ é ngwoob ɛ Filip, nyɛ nabɛ ɛ́ edjodjoka ɛbuɛpe, é sok nyɛ nadi ebee endem e mɛbwala mɛ nadi esael ɛ.
Bɛ eezɛgoola tɔ́, ze bɛ nadi etɔ́ yɔbɔ ɛ, wɔ gwaa, bɛ zɛkum é dhiiti di nadi nɛ dii ɔ. Deenek, kukuma yenɔk eezɛke náá: «Beea mɛdii, ɛyé di elu náá, mɛ duwa Zɛɛb?» [ Filip eezɛke nɛ nɛ náá: «Wɔ myaal nɛ lyem’ɔ djas ɔɔ, wɔ ɛ́ nɛ ghwyil ɛ duwa Zɛɛb.» Tin, mot’enɔk eezɛbɔɔza náá: «Mɛ eemyaal náá, Yezu ɛ́ Mɔn ɛ Zɛɛb.»] É di’enek, nyɛ eezɛke náá, mbem yaaga tyaa, bhii tak, bɛ nɛ Filip eezɛsul tɔ dii, wɔ gwaa, nyɛ zɛduu nyɛ Zɛɛb. Dáa bɛ nakasɛɛ tɔ dii ɛ, Sisim ɛ Ghɛŋ eezɛdis Filip é mis mɛ kukuma tak, nyɛ moo tin, ààkabee Filip. É di’enek nyɛ eezɛkpaa, tɔ́ yɛ pɛ pak nyɛ nadi etɔ́ ɛ, nɛ boo mɛmyaala.
«Mena ɛ́ nɛ ghwyil ɛlu bot bak nenak náá, bɛ naduwa Zɛɛb tɔ mɛdii, dáa bɛ di náá, bɛ eebela Sisim na Dɛɛ dáa menabɛlka ɛ?» Tin, wɔ gwaa nyɛ zɛlwom náá, bɛ duu bɛ Zɛɛb nɛ din ɛ Yezu Klisto. Bhii tak, bɛ eezɛke nɛ nɛ náá, nyɛ kwyɛɛg ba mɛlu bɛ nɛ bɛnɔɔ.
«Mena ɛ́ nɛ ghwyil ɛlu bot bak nenak náá, bɛ naduwa Zɛɛb tɔ mɛdii, dáa bɛ di náá, bɛ eebela Sisim na Dɛɛ dáa menabɛlka ɛ?»
Pɔl eezɛke nɛ nɔɔ náá: «Zaŋ naduu Zɛɛb ɛ́ bot ɛ namyaal ɛswoola mɛfulu ɔ. Nyɛ nadi eke nɛ bot ɛ mbyak Yisalaɛl náá, bɛ dum koŋ nɛ mot di ezyɛ bhii nyɛy ɔ, mot tak nabɛ ɛ́ Yezu.»
Bhii bɛ nazegwak etɛp binek djas ɛ, bɛ eezɛduwa Zɛɛb nɛ din ɛ Ghɛŋ Yezu. Bhii tak, Pɔl eezɛkɛl bɛ mɛmbɔ, tin, bɛ eezɛbela Sisim na Dɛɛ. Bɛ moo tin elii tɔ elii membyak mɛ sis, nɛ ɛgoola bɛ mɛbhaadal mɛ Zɛɛb djɛ bɛ ɛ.
Bhii bɛ nazegwak etɛp binek djas ɛ, bɛ eezɛduwa Zɛɛb nɛ din ɛ Ghɛŋ Yezu.
Bhii tak, Pɔl eezɛkɛl bɛ mɛmbɔ, tin, bɛ eezɛbela Sisim na Dɛɛ. Bɛ moo tin elii tɔ elii membyak mɛ sis, nɛ ɛgoola bɛ mɛbhaadal mɛ Zɛɛb djɛ bɛ ɛ.
Tin, nenak wɔ kabaabwood yé? Wyɛla, kɛduwa Zɛɛb nɛ ɛgwyii ɛ mesyem mɔ, é ɛdjóo ɛ́ din ɛ lɛ."»
Etɛɛ náá, Zaŋ Nduuel-bot naduu bot Zɛɛb ɛ́ tɔ mɛdii, yɛ kabɛ biyɔ ɔɔ, tɔ mɛlu mɛ di ezyɛ yenek, bi aaduwa Zɛɛb ɛ́ tɔ ghwyil Sisim na Dɛɛ.»
Yɛ kabɛ biyɔ ɔɔ, bi ɛ́ waabela boo ghwyil é sok Sisim na Dɛɛ aasul kɔ len ɛ, bi aadi ɛ́ bɛtyaasɛs bam pɛ Yeluzalɛm, pɛ kyee dik Yude nɛ Samaali kɛkum pɛ mɛsik mɛ bɔs.»
Dáa bɛ nasilal ɛdjaala ɛ, di bɛ nasɛɛga ɔ zokazɛdheegel, wɔ gwaa, Sisim na Dɛɛ zokalwood tɔ lɔɔ. Bhii tak, bɛ eezɛni é ɛgoola Mɛkpa ɛ Zɛɛb nɛ ɛbwaalel djas.
Ɛduwa Zɛɛb ɛ Yezu
Bhii bot djas nazeduwa Zɛɛb ɛ, Yezu pe naazɛduwa Zɛɛb. Nyɛ nadi edjaala, wɔ gwaa gwoo zɛbɛŋel. Bhii tak, Sisim na Dɛɛ eezɛsul kɔ lɛ tyee ɛghum. Wɔ gwaa, dhiiti gwood zokazɛgék tɔ gwoo náá: «Wɔ ɛ́ mɔn’am mɛ dyeebakwyɛl ɔ. Mɛ eedyeebamyaala nɛ nɔ ɛbuɛpe.»
Kwyii biyɔ, bɛmbee ɛ bot bi di ɛ, bi nɛ gu ɛdjɛ embɛɛ esonok nɛ bɔn bin, gwyata nɛ Sɛɛg’en di pɛ tɔ gwoo ɔ, nyɛ waadjɛ Sisim na Dɛɛ nɛ mot aawaab ɔ.»
Um batismo
Em um Espírito fomos todos batizados em um só corpo. O batismo é um só, assim como um só é o Senhor e uma só é a fé.
Tin, menabɛlka djas, bot ɛ mbyak eYuda nɛghu bot ɛ mbyak eGhɛlɛk, kwom mot nɛghu seŋɛlɛ mot, mena naaduwaka Zɛɛb tɔ Sisim wat. Ye nabɛ ɛ́ étɛp mena needika nyel ngɔt. Tin, yɛ ɛ́ Sisim tak wat ɛ di tyee mɛdii mɛ mena di edɛka menabɛlka djas ɛ.
Tin, menabɛlka djas, bot ɛ mbyak eYuda nɛghu bot ɛ mbyak eGhɛlɛk, kwom mot nɛghu seŋɛlɛ mot, mena naaduwaka Zɛɛb tɔ Sisim wat. Ye nabɛ ɛ́ étɛp mena needika nyel ngɔt. Tin, yɛ ɛ́ Sisim tak wat ɛ di tyee mɛdii mɛ mena di edɛka menabɛlka djas ɛ.
Egeka bin ɛ́ náá, Klisto ɛ́ nɛ ghwyil ɛkaŋaa epes-epes é? Yɛ ɛ́ Pɔl ɛ nabemaa é mɛlaaba étɛp’en é? Bi naduwa Zɛɛb ɛ́ nɛ din ɛ Pɔl é? Mɛ ɛpeghaapɛɛ Zɛɛb etɛɛ náá, pak’en, ye tok nɛ mot mɛ naduu nyɛ Zɛɛb, yɛ di ààbɛ Kilipus nɛ Ghayus bot ɛ mam naduu ɔ. Tin, mot tok nɛ ghwyil ɛke náá, bi naduwa Zɛɛb ɛ́ nɛ din ɛ lam. Deenek, yɛ ɛ́ tsɛɛtsɛ náá, mɛ naaduu bot ɛ mɛbyel ɛ Stefanas Zɛɛb. Bhii tak, mɛ ààbee náá, mɛ naaduu bɛdhiiti bot Zɛɛb. Etɛɛ náá, Klisto nabɛ ɛ́ ààlwom mɛ náá, mɛ kɛduu bot Zɛɛb. Tin, nyɛ nalwom mɛ ɛ́ náá, mɛ kɛgoola Mbɛɛ Bhaadal. Deenek, sa mɛ ààgoola yɛ nɛ etsoŋ e bot ɛ bɔs, yɛ ɛpedi ɛ́ di deenek ɔɔ, ɛsyee ɛ Klisto kɔ mɛlaaba kadi ɛ́ ààbɛ nɛ mɛbwala.
Kɛkum dwoo lak mos, mam nabɛ ààdi egu náá, nyɛ ɛ́ Mɛsia. É di’enek, yɛ ɛ́ mot nadhis mɛ náá, mɛ zɛduu bot Zɛɛb tɔ mɛdii ɔ, nyɛ nalii nɛ nam ɛ́ náá: "Wɔ waabee Sisim edus tɔ gwoo, sul, zɛdi kɔ mot. Bhii tak Sisim tak ɛ zɛtyaa kɔ lɛ. Yɛ ɛ́ nyɛy ɛ aakwaaduu bot Zɛɛb nɛ Sisim na Dɛɛ."
Kɛkum dwoo lak mos, mam nabɛ ààdi egu náá, nyɛ ɛ́ Mɛsia. É di’enek, yɛ ɛ́ mot nadhis mɛ náá, mɛ zɛduu bot Zɛɛb tɔ mɛdii ɔ, nyɛ nalii nɛ nam ɛ́ náá: "Wɔ waabee Sisim edus tɔ gwoo, sul, zɛdi kɔ mot. Bhii tak Sisim tak ɛ zɛtyaa kɔ lɛ. Yɛ ɛ́ nyɛy ɛ aakwaaduu bot Zɛɛb nɛ Sisim na Dɛɛ."