Romukailu Suran 2

Alla la kiti

1 I kɛra mɔɔ mɔɔ ri, ile mɛn ye doilu jalakila, i ti se i jɛrɛ kun makala. Ka a masɔrɔn i ye doilu jalakila ko mɛnilu la, ile fanan jɛrɛ ye woilu kɛla. Wo rɔ, i ra i jɛrɛ fanan jalaki. 2 An ka a lɔn ko Alla ye kiti tɛɛla telen de rɔ mɔɔilu yɛ tuɲa la, mɛnilu ye ko su ɲinilu kɛla. 3 Kɔni i wa kɛ mɔɔ mɔɔ ri, i lanin a la wa ko ile ri bɔ Alla la kiti kɔrɔ wa, ile mɛn ye doilu jalakila koilu rɔ ile jɛrɛ ye mɛnilu kɛla?