12 Wo le rɔ, julumun kana mansaya kɛ ai faribanku rɔ butun, ka kolo a diyanan koilu kɛla. 13 Ai kana ai fari yɔrɔ si di julumun dɔ ikomin kɛlɛkɛfen di telenbaliya yɛ, kɔni ai ye ai jɛrɛ di Alla ma, ikomin mɔɔ ɲenemanilu mɛn da bɔ saya rɔ. Ai ye ai fari yɔrɔ bɛɛ di Alla le ma ikomin kɛlɛkɛfen telenbaya yɛ. 14 Wo rɔ, julumun kana mansaya kɛ ai kun na, baa ai tɛ sariya kɔrɔ butun, fɔɔ Alla la hina.

15 Wo ye di wo rɔ? A bɛnnin an ye to hakɛ kɛla wa, baa an tɛ sariya kɔrɔ butun, fɔɔ Alla la hina? Ɛɛn de! 16 Ai ma a lɔn wa, ko ai wa ai jɛrɛ don mɔɔ do bolo ka kɛ a kan mira jɔn di, ai kɛtɔ wo tii la jɔn de ri ai ye mɛn kan mirala wa? Ni a ri kɛ julumun di, ka i faa, wala ni a ri kɛ Alla kan mirala ri, ka i bila telen sila kan. 17 Kɔni an ye baraka bila Alla yɛ, baa julumun na jɔnilu le tɛrɛ ai ri, kɔni karan mɛn karifara ai la, ai ra wo mira ai jusu rɔ. 18 Ai ra kanhɔrɔya julumun ma, ka ai kɛ telenbaya la jɔnilu ri.