Eshi Zoze ka Awogboso Oyesu
1 Ayene kaha, aba yimu shini ala gyoza ni eshi ko Owuso ya ipu kawoda ko Owuso ni bokpagye ko Omasedoniya ni. 2 Owuso muwama nwashika bwebe ko owe ni ama ni; otunehe wa ke nwashika ni azeshi kpotu wa oye kponu ni, koni agbeha ni. 3 Nyya gege ya ka dala mo azoza ni agbo ni, aki ze pyoshu kiyiwa. Bwipu kotu wa 4 abaha ki ba shagye shini ana gbabo owe ko zeshi dase ko Owuso ni bo Oyahudiya ni. 5 Aya sho oza ni akpiyi shagye ni! Ikyikyo aziyiwa da Adole ome; kweyi aki ziyiwa daha mamani bwebe kimu ko Owuso.