Isaías 43

Kishi ka aza Isaraila koci.

1 Ama gogo na, ili i na Vuzavaguɗu u dansai i ɗaɗa na,

a̱yi na u yaꞋin nu, avu Yakubu,

a̱yi na u ta̱wa̱i n avu, avu Isaraila.

<<Ka̱ta̱ vu pana wovon ba, adama a na mpa ɗa n shiba̱i ɗa̱, ɗa n ɗekei ɗa̱ yaba dem n kula kuni, a̱ɗa̱ uma a̱ va̱ a ɗa yi.

2 Ayin a na baci vu pasai kuyene,

mpa n kuyongo ta̱ koɓolo n avu,

ayin na baci kpamu vu pasai kuɗolu,

ma mi a kupura̱ wu ba.

I wala baci a̱ ka̱tsuma̱ ka akina,

yi a̱ kukula̱ ba,

nlentsu ma akina ma mo kusongu ɗa̱ ba.

3 Adama a na mpa ɗa Vuzavaguɗu, Ka̱shile ka̱ nu,

vuza Ciɗa vi Isaraila, Kishi ka̱ nu.

N neke ta̱ Masar adama a̱ wishi u nu,

Ɗa n sabaꞋi Itopiya n Sheba o okpoi una̱ u nu.