5 Ama ɗa u ciya̱i usovi adama a kawuya ka tsu,

u ciya̱i ufori adama a̱ unushi u tsu.

Atakaci a na a̱ tuka̱i tsu m ma̱ta̱na̱ ta a̱ uta̱i wa̱ ni,

n adama a̱ usa̱n u ni u ɗaɗa tsu potsoi.

6 Ra̱ka̱ vu tsu ci ta̱ tsu nkyon n na n tambalukpai,

ɗa yaba dem u ka̱na̱i uye u ni,

ɗa Vuzavaguɗu u nekei ni

a̱miki a̱ unushi u tsu dem.

7 E nekei ni a takacikai, ɗa a gbarai ni,

ama n nannai dem u ɓa̱yuwa̱ una̱ u ni ba,

a lazai n a̱yi tsu ma̱giri ma na i a kubanka a̱ ubuta̱ u kukiɗa,

n tsu malala ma na o poloi bini a̱ ubuta̱ wa apuwanci,

u ɓa̱yuwa̱ una̱ u ni ba.