1 Ugboji u maꞋa ta̱ kpaꞋa ku ni

u sheꞋwei nshilya n cindere n ni.

2 U zuwai a kiɗai i nyama adama a̱ ka̱ɗiva̱, u foɓusoi ma̱kya̱n a̱ ni,

ɗa kpamu u foɓusoi ka̱ɗiva̱ ka̱ ni.

3 U suku ta̱ agbashi a̱ ni a̱ ma̱ci,

adama ana u ɗekushe a kusan ku u gaɗi a likuci.

4 <<Ka̱sukpa̱ a̱ ɗa̱ na yi aza ugboji ba.>>

kpatalai na,

wa aza unambi wu u ka̱ni wa asuvu.

5 <<Ta̱wa̱i i lyaꞋa ilikulya i va̱,

soꞋi ma̱kya̱n ma na n foɓusoi.

6 Ka̱sukpa̱ unambi u kusheshe, adama ana i ciya̱ wuma,

yaꞋin nwalu a uye wu u yeve.>>

7 <<Yabadem na baci u dansukai vuza vu kugoyi, wi ta̱ a kuronoko ka̱cika̱ni kugoyi.

vuzana kpamu u dansuka vuza gbani-gbani, a̱yi ɗa u kuciya̱ mɓa̱la̱.

8 Ko kenu ka̱ ta̱ vu dansuka vuza vu kugoyi ba, adama ana wita̱ a ku iwan wu.

Ama vu dansuka baci vuza vu ugboji, a̱ yi tana wi ta̱ a kuciga wu.

9 Neke vuza vu ugboji odoki, ka̱ta̱ a̱yi tana udoku ugboji,

PiꞋisaka vuza vu usuɓi, ka̱ta̱ a̱yi tana udoku n kuyeve.

10 Wovon u Ka̱shile u ɗa u giti ugboji,

kpamu kuyeve ku Vuza ciɗa nanlo ɗaɗa kuyeve.

11 Adama a̱ va̱, ayin a̱ nu i ta̱ o ku doku kuyimkpa,

ka̱ta̱ o doku wu kpamu a̱ya̱ a wuma a̱ nu.

12 Vi baci nu ugboji, vi ta̱ nu ugboji adama a̱ ka̱cika̱nu,

ama, vi baci n kugoyi, a vu ɗa koci vi a ku takacika.>>

13 Kalau ka vuka, za kadanshi n a̱bunda̱i,

vuza vu unambi u kusheshe ɗa, u yeve ili ba.

14 U tsu da̱sa̱ngu ta̱ u tsutsu u kpaꞋa ku ni,

a kakuba ki ida̱shi ka̱ ni ku ugaɗi ka likuci,

15 a kuɗeke aza ana i a nwalu,

aza ana kusheshe ku le ki a ubuta̱ wu ulinga u le.

16 Utsu dana ta̱, <<A̱ɗa̱ aza unambi u kusheshe ta̱wa̱i na.>>

wa aza unambi wu uka̱ni u ka̱ɗu kpamu utsu dana ta̱.

17 <<Mini mu uboki ma tsu yokpo ta̱,

ilikulyaꞋa i na a tsu lyaꞋa usokongi wita̱ n uyoꞋo.>>

18 Ama aza ana a uwai ekiye a̱ ni, e yeve a na a̱kpisa̱ a ɗa i a ubuta̱ wa ba.

kpamu omoci a̱ ni, i ta̱ a̱ ku gida̱la̱ kubana ubuta̱ wi ida̱shi ya a̱kpisa̱.