1 Псальма Давідава.
Пра міласьць і суд буду сьпяваць: Табе, Госпадзе, буду сьпяваць.
2 Думаць буду пра шлях беззаганны: калі прыйдзеш Ты да мяне? Буду хадзіць у беззаганнасьці сэрца майго сярод дома майго.
3 Не пакладу перад вачыма маімі непатрэбнае рэчы; дзею злачынную я ненавіджу; ня прыстане яна да мяне.
4 Сэрца разбэшчанае будзе далёка ад мяне, ліхога я ведаць ня буду.
5 Таго, хто таемна паклёпнічае на блізкага свайго, праганю; ганарыстага вачамі і пагардлівага сэрцам не патрываю.