28 Bitrus bariiyooh dehaay, "Hinin barook neetriimi jillaay naatka ningad nidꞌi!" idi.

29 Yasuuꞌa igwibi, "Oosdik andi hookna, usakana udaayiinaay jillaaywa anii jillaaywa, ugawooh tari isanaayeeh tari tikwaateeh tari ifarooyeeh tari yꞌareeh tari dirꞌaatooh inꞌiish gaal, 30 oon udamaaniib sheeb doora gwidakaana rayiimi indi. Gawaabwa, sanaabwa, kwaatwa, arwa deetwa, dirꞌaatwa imaar indi. Door han amaag itweeri. Laakiin tꞌaakharaatiib umidhhan udaayim imaar indi. 31 Laakiin oontꞌa suurii eefeen uudehay gwida, wꞌagiyaay daayi iyadna, uudehay oontꞌa wꞌagiyaay eefeen aree suurii daayi iyadna." idi.