2 Reis 6

मैक्‍कु पैनी पुड़ तेरते

1 एक्सां नेबी केरे टोली मरां केन्चे एलीशा सेइं ज़ोवं, "ई ठार ज़ैस मां अस तेरे सामने रहतम, ई इश्शे लेई बड़ी निकड़ीए। 2 एल्हेरेलेइ अस यरदन दरियाए तगर गाम, ते तैट्ठां असेईं अक-अक टम्मन एन्हतां, इड़ी अपने रानेरे लेई अक ठार बनाम;" तैनी ज़ोवं, "ठीके गाथ।" 3 तैखन तैन मरां एक्‍के ज़ोवं, "अपने सेवकन सेइं साथी च़ल;" तैनी ज़ोवं, "च़ला।" 4 एल्हेरेलेइ तै तैन नेबन सेइं साथी च़लो ते तैना यरदन दरियारे बन्ने पुड़ पुज़तां बुट कटने लगे। 5 पन ज़ैखन तैन मरां अक नबी बुट कटने लगोरो थियो, त मैकेरो डण्डो छुटतां मैक्‍कु पैनी मांजो बिछ़ड़ो; एल्हेरेलेइ तै चिन्डां मैरतां ज़ोने लगो, "ओहो! मेरे मालिक, तै त कोन्ची करां मेगतां आनोरो थियो।" 6 परमेशरेरे नेबे पुछ़ू, "तै कोढ़ी हेरोरोए?" ज़ैखन तैनी तै ठार हिराई तैखन तैनी अक कैड़ोवं केटतां तैड़ी जो शारू, ते तै मैक्‍कु पैनी पुड़ तेरने लगो। 7 एलीशा तैस जो ज़ोवं, "मैक्‍कु ट्ला।" तैखन तैनी हथ अग्रोवं केरतां तै मैक्‍कु ट्लाव।