Atos 16

पौलुस ते सीलास कैदखाने मां

16 एक्‍की फेरे असां प्राथना केरनेरी ठारी जो च़लोरे थिये त असन अक दासी मैल्ही ज़ै भूतां केरे मद्दती सेइं एजने बाले वक्तेरे बारे मां ज़ोती थी। ते अपने मालिकां केरे लेई बड़े पेइंसे कमाती थी। 17 तै पौलुसे पत्ती ते असन पत्ती च़ली ते ज़ोने लगी, "ऐह मैन्हु परमप्रधान परमेशरेरो दासे, ते एना असन पापां केरि मुक्तरी बत हिरातन।" 18 तै काई दिहाड़े एन्ने केरती राई, पन पौलुसे जिच भोव, ते मुड़तां तैस भूते जो ज़ोवं, "अवं तीं यीशु मसीहेरे नंव्वे सेइं हुक्म देताईं निस्सी गा, ते तै तैखने तैस मरां निस्सी जेई।"