Provérbios 1

अक्लमन्द भोनेरी शुरुआत

1 दाऊदेरे मट्ठे सुलैमान इस्राएलेरे राज़ेरी कहावतां:

2 इन कहावतां केरो पढ़नेबालो अक्ल ते शिक्षा हासिल केरे,

ते समझ़री गल्‍लां समझ़े,

3 ते अक्लमन्द ज़िन्दगी गुज़ारने मां माहिर,

ते धर्म, न्याय ते बगैर तरफदैरारे बारे मां अनुशासन हासिल केरे;

4 ताके सिद्धे-सादन होशियारी,

ते जुवाने ज्ञान ते तमीज़ मैल्हे;

5 कि अक्लमन्द शुन्तां अपनु ज्ञान बधाए,

ते समझ़दारे अक्लरो उपदेश मैल्हे,

6 ज़ैस सेइं तैना कहावतन ते मसालन,

ते अक्लमन्दा केरि गल्‍लां ते तैन केरे भेदन समझ़न।