Provérbios 4

अक्लरे फैइदे

1 हे मेरे मट्ठव, बाजी केरि शिक्षा शुना,

ते समझ़ हासिल केरने मां मन लाथ।

2 किजोकि मीं तुसन रोड़ी शिक्षा दित्तोरीए;

मेरी शिक्षा न शारा।

3 हेरा, अवं भी अपने बाजी केरू मट्ठू थियूं,

ते अम्मरू अक्‍के लाडोलू थियूं,

4 ते मेरो बाजी मीं इन ज़ोइतां शिखालतो थियो,

"तेरो मन मेरी गल्‍लन पुड़ लगोरो राए;

तू मेरे हुक्मन मन्न, तैखन ज़ींतो रालो।

5 अक्ल हासिल केर, समझ़ भी हासिल केर;

तैन बिसरां न, ते मेरी गल्‍लां न शैरां।

6 अक्ल न शार ते तै तेरी हिफाज़त केरेली;

तैस सेइं प्यार रख ते तै तेरो पहरो देली।