Mateus 17

Yezu eezɛtsik mɔn nadi nɛ ɛbɛ́ ɛ djem ɔ

14 Dáa bɛ nakum é di ɛdhuu ɛ bot nadi ɔ, wɔ gwaa, mot ngɔt zokazyɛ é bhaaz ɛ Yezu, zɛkwyit mɛboŋ si mɛko mɛ. 15 Nyɛy náá: «Ghɛŋ, geka mɛ ghoŋ, mɔn’am ɛ́ ɛpezuk ɛbuɛpe nɛ ɛbɛ́ ɛ djem. É sok ye dyeebamɛt nyɛ ɛ, nyɛ nɛ ghaaga tɔ du, é dhiiti ɛwala, tɔ dii. 16 Mɛ naazyɛ nɛ nɛ pɛ daa bɛdjekel bɔ, bɛ nabɛ ɛ́ ààkwak ɛtsik nyɛ.» 17 É di’enek, Yezu naazɛtsim ɛlyelɛpe, nyɛy nɛ nɔɔ náá: «Biyɔ bɛmbee ɛ bot di ààdum koŋ nɛ Zɛɛb ɔ! Mɛlu mɛdhen kalik nɛ nam é ɛdi ɛ́ tɔ len? Baabela náá, mɛlu mɛdhen mɛ di egoka nɛ ɛmaad bin? Dhaka mɛ nɛ mɔn’enɔk wak.» 18 Tin, wɔ gwaa Yezu zɛbhɛm mbee sisim. Mbee sisim tak naazɛwyis tɔ mɔn’enɔk. É di’enek wat, mɔn’enɔk naazɛtsak.