1 Étɛp tak ɛ di náá, bot ɛ di mos sama nɛ Yezu Klisto ɔ, bɛ tokapɛ nɛ ndjɛ sɔs. 2 Etɛɛ náá, dum nɛ Yezu Klisto, tsi Sisim di edjɛ tsik ɛ, naazepɛk mɛ tɔ ekwom e etsi e mesyem nɛ ɛsyee. 3 Zɛɛb naasa esa ee di náá, etsi ɛ Moiiz nabɛ ɛ́ ààbɛ nɛ ghwyil ɛsa ɛ, etɛɛ náá, epuud nɛ sa elɛtɛ. Nyɛ naadhis mɔn’ɛ nɛ nyel epuud dáa menabɛlka bot ɛ mesyem, etɛɛ náá, nyɛ neepɛk mena tɔ mesyem. Yɛ ɛ́ deenek ɛ́ Zɛɛb nawa é feŋ mesyem mɛ nadi tɔ mɛnyel mɛ bot ɛ. 4 Zɛɛb sa deenek ɛ́, etɛɛ náá, mena needika nɛ ghwyil ɛkɛ dáa etsi di elɛɛ ɛ. Deenek, mena aanàkabaakɛ tɔ ghwyil epuud, tin, mena aakakɛka ɛ́ tɔ ghwyil Sisim.