16 Cã aclo iu easti un testamentu, prindi s-alihipseascã moartea atsilui tsi featsi testamentul. 17 Cã un testamentu easti axiu cãndu oaminjlji au moartã, cã nu ari fuchii cãndu ninga bãneadzã atsel tsi fatsi testamentul. 18 Trã atsea sh-prota pisti-ligãturã nu s-alihipsi fãrã di sãndzi. 19 Cã, cãndu s-dimãndarã a tut popului tuti ordinli di la Moisiu, luãnda sãndzili a yitsãljilor sh-a tsachilor, deadun cu apã sh-cu lãnã roshi apreasã sh-cu hisop, elu pruscuti sh-cartea sh-tut populu.✝ 20 Ashãtsi elu dzãsi: "Aestu easti sãndzili a pisti-ligãturiljei, tsi ordinã trã voi Dumnidzãlu."✝