Mateu 24

Parabola Atsilor Doi Huzmicheari

45 "Cai easti atsel huzmichear pistimen sh-mintimen? Easti atsel tsi nicuchirlu l-bãgã pristi huzmichearlji a lui, tra s-lã da hranã tu oara tsi prindi. 46 Ca hara di atsel huzmichear tsi, cãndu s-toarnã nicuchirlu a lui, s-lu aflã fãcãnda ashã. 47 Dealihea ma vã dzãc cã elu va lji pistipseascã atsilui huzmichear tutã ayishtearea a lui. 48 Ma, macã aestu huzmichear arãu dzãtsi tu inima a lui: ‘Domnul a meu amãni s-yinã,’ 49 sh-ahurheashti s-batã sotslji a lui, sh-mãcã sh-bea cu biutorlji, 50 domnulu aishtui huzmichear va yinã tu dzua atsea, cãndu elu nu lu ashteapti, sh-tu oara atsea cãndu elu nu u-shtii. 51 Elu va lu condamnã cu aspru sh-va lji da tihea a ipucritsilor. Aclo va hibã plãngul sh-cãrtsãnirea a dintsãlor."