Acljimarea al Mateu
9 Deapoea cãndu s-dusi Isusul nclo, vidzu un om tsi shidea la yimbruchi, acljimatã Mateu, sh-lji-dzãsi: "Urmeadzã-mi!" Sh-elu si sculã sh-lu urmã.
10 Cãndu Isusul shidea la measã la casã, vinirã multsã taxidari sh-amãrtioshi, s-apunarã sh-mãcarã deadun cu nãsu sh-cu ucenitsilji a lui. 11 Fariseilji cãndu vidzurã aestã, lji dzãsirã a ucenitsilor a lui: "Cãtse nvitsãtorlu a vostru mãcã cu taxidarlji sh-cu amãrtioshlji?" 12 Cãndu Isusul avdzã aesti, lã dzãsi a lor: "Nu suntu sãnãtoshlji tsi au ananghi di doctor ma atselji lãndzitslji. 13 Tora dutsets-vã sh-nvitsats tsi va s-dzãc: ‘Mini voi njilã sh-nu curbani.’9:13 Hos 6:6. Cã nu vinj s-acljem trã mitãnjusiri ndreptsãlji, ma amãrtioshlji."