EPH - BUU 1

Ngiri Ngha Bre

15 Ritu nganyi, ranronmu me wo yo sron mbi rimi Bachi Yeso nga nyɨme mbi riwa bi nyɨme nyi wawa wa he wa Izhi, 16 me ran ka ngɨri ri Izhi chuwo ri tumbi ran. me taka mbi rimi ibrewon. 17 Ri Yosron ri Izhi riwa Bachi mbu Yeso Kristo, A ti riwa wa gbre wu, a no yi Yuu riwa ari de wiwiri ri la yi to Izhi bran. 18 Me ibre ngawen no sron mbi no bu ran kpan, riwa bi to kya riwa bi yo sron ritu yo riwa a yo yi, bibi wo ri ti sisri riwa a ka tre dzi ri wa nji wan, 19 nga bibi gbengbren wan rigra rimi ndu wan ri ta wawa ki kpa gbengbren nyi riwa a ti tindu rimi mbu a he riri ri bibi sen kpa ri gra, 20 riwa a ta Yeso shɨme rimi kuu riwu, ran no bubu son ku wo ri wan ri shu. 21 Kristo he ri gbengbren ri senkpa, nga kpanchi son kyawa wawa wa ti wa ri shu nga meme ngawen. 22 Izhi ka kongye ri ndo dza Kristo, nga ran ka-u no wa hu Izhi no he tu riwa a ngɨzhi kongye wawu, 23 Riwa wa he ri kpa Kristo, riwa a ka kyawa shu ko kutan kyuwan.