Ikɨbutre ri wa nji ri wa a he ri Wo, ama a ran wɨri ran
13 Njo rimi kpa nji-a ka tre wu ri, <<Nji ri tsro, la vayi won no ga kpi timbu ran no wen wa mo.
14 Yeso ka tre ri,<<Nji, njo ran chu wen me he nji ri bla tre rimi mbi ko nji ri ga kpi ri yi mbi vayiwen ran?>> 15 Imba ka la riwa,<<Ya tsu! He wa ya tsu ritu kya riwa a he ri yawɨlo si; ivɨri nji a ran he ritu ikpa kpi riwa a he riwu ran.>>
16 Yeso ka la wa ikɨbu tre wan:<<Nji ri wo ri a he riwa izhu wan a zhu ri kpi dindi. 17 A tre ngawan ri,< me ti ngye? Me ran he ri wa wɨron bran riwa me ka ri won sro ran.>
18 <<Imba ka tre, <Ngye kya riwa me ti. Me zii wɨron won me ri mme ri bran wan, rimi wan nye me ka wa kpiwon ki rimi wan. 19 Me tre ri ngawon, <<Wu he ri kpi kigbu riwa wu ri wa ri se kigbu riwa wa ye, ran ri, wuri ran so nga wuri son ri sisron.<<>
20 <<Ama Izhi ka tre wu, a wu nji riwa wuran he ri wiwɨri ran! Ichu nyin me ban vɨri wen, Meri to ko ŋnga nye ari ri kyawa riwa wu kawa ki ri ngawen?> 21 Yeso a kre tre-a iri,<<Ngye bibi riwa ari he ri nji riwa a vu kpi ki ri ngawan ama kusi Izhi a ran he ri kyari ran.>>
Ran ti Shnji Sɨron Ran
22 Yeso ka tre ri mirindu wan:<<Me la yi, ran ti shnji sron ritu vɨri mbi, ikya riwa bi ri; ka ritu kpa mbi, ko itsɨro riwa bi su. 23 Isron mbi han ri, nga ikpa han tsro. 24 To Lazaŋku: wa ran chu ran wa ran sɨren ran, wa ran he ri tra ri sro kpi ko iwuron; ama Izhi ri nowa ri. Bi han wa chenchen! 25 Itaka bran rimi mbi ran ka vi ri yo ŋnga riwu ran? 26 Tunda wu ran he ri gbengbren ri ti vi kya nyin ran, ritu ngye wu taka ritu ngbron mba?
27 <<To bibi riwa ikɨbu ri gbron, ko solomu riwa a su tsro wa dindi ka bibi mba. 28 Ka a he kamba nye Izhi ri su tsro ri giga wa ji, riwa a he ri nyin luwa, nga mibrewaka vu wa sro rimi wulu, riwa me ri he se riwa ari su tsro riwu, biyi wa fifi kpanyɨme! 29 Biyi ngawen ran ti shnji sron ritu kya riwa bi ri ko bi so ran, ran tika ritu wan ran. 30 Wa ti gbugblu wa ŋgbuŋgbulume wa ti kya wa mba, Iti mbi ri shu to bi wa kya wamba. 31 Ama wa kpanchison Izhi ri mimɨlan, kyawa wa he bran ri yi. 32 <<Ran ti sisɨri ran, igbu miri wa tsitsa, A ti mbi ri ngɨri ri no yi kya rimi kpanchi. 33 Bi reri wa kya mbi, bi ri zon wawa wa ran he riwu ran. Bi fe kpo nkɨren riwa a ran ri kunchon ran, wato bibi wo riwa a ran kre ran ri shu, bubu riwa wa yɨbi wa ran gra ri bubu wan ran, iwɨshu wa ran ya rewa ran. 34 Bubu riwa wa kyawa wen wa he, ri bubu wan nye isron wen he ngawen.