1 Nduɔ, te nubə ndə bii kə bíʼtə mu ŋwɔʼnə-yii, i nɔ bʉ̀ʉ mbɔ woləŋ məchí ghɔŋ woke fɛ. 2 Bɔŋ bʉʼka ntɔ-bəsəŋ-mə, ẅoləŋ təmiyɔŋ kie yi-yə vi, woke təmiyɔŋ kie yi-yə ləŋ.

3 Ẅoləŋ chí ghɔŋ vi-i ndə ntɛ ndə tʉʉ-i bu bʉ̀ʉ, woke kie ndə məchìi haʼ nɔ tʉ ləŋ-ɛŋ. 4 Bʉʼka kie woke kie mbʉə-e fɛ, nɔ bɔŋ kie ləŋ-ɛŋ. Kə bɛ haʼ nɔ, kie woləŋ kie mbʉə-e fɛ, nɔ bɔŋ kie vi-i. 5 Kə bii mə tɛ́ŋ məkɔ́ mbʉəhə-ii tʉ ŋwɔŋtə-ii fɛ, yaʼkɛŋ mbɔ bii nɔʼ fəŋ dùʼ sê shyʉ̀ʉ gyʉʉ mbɔ ï bɛ ndə kʉʉkə məniʼ, mbɔ b̈ii kɔ́ ŋwɔŋ-yii ndə məgháaNyii. B̈ii bɔŋ bʉ̀nə fúu ŋwɔŋ-yii mbɔ Sata mə mùutə bii fɛ bʉʼka bii mə yá ŋwɔŋ-yii fɛ.