Nyii tə́ŋ Bɔɔ Masɛdonia
6 Ndʉʉmɛ, bɔ̂ŋ tòʼ tíŋ hə Filigia ghɔŋ Galatia bʉʼka LyʉʉhəNyiikə nɔ nə chíe bɔŋ mbɔ bɔ̂ŋ mə lɔ̀ʼ ŋgieNyiikə mu Esia fɛ. 7 Ndʉʉ ndə bɔ̂ŋ kóʼ gwè dàa Maisia, bɔ̂ŋ kə́ kʉ́ʉ ndə məgɛ̀ Bitinia, bɔŋ Lyʉʉhə-Jiso-kə kyʉ̀hə bɔŋ mbɔ bɔ̂ŋ mə gɛ̀ chɔ fɛ. 8 Bɔ̂ŋ tíŋ hə mu Maisia, shíʼ gɛ̀ Tɔlɔs.
9 Njəŋ chí Bɔɔ ndʉʉbətyuʼ təmə ɔ kə́ bɛ́ŋbɛ́ŋ fɛ, wobɛʼ gwè tʉ ɔŋ lɔ̀ hə Masɛdonia, kə́ fʉ̀ʉtə ɔŋ ghɔ̀ŋ mbɔ, "Gwè njəŋ Masɛdonia, gwè kwáa baʼa." 10 Ndʉʉ ndə ɔ nyíɛ nu-ghɔ̄-bə liʼ, haʼ ndʉʉmɛ baʼa bɛ ndə məgɛ̀ Masɛdonia, bʉʼka baʼa nɔ kə lìʼ haʼ mbɔ la kə́ tíi Nyii tíi baʼa ndə məgɛ̀ lɔ̀ʼ ntəŋjyujyu chɔ.