Bita chʉ́ʼ lɛŋ ndə ɔ̃ gháagháa buŋ kə́ yú
1 Yɔŋbɛʼ, Bita ghɔŋ Jɔŋ kə́ kóʼ gɛ̀ mu njaafɛ̀ʼndɛŋNyii ndə ndʉʉ ndə bɔ̂ŋ gháaNyii chɔ. Nɔ kə bɛ mu bəchî itia ndʉʉnəchî. 2 Wobɛʼ ndə ɔ kə bɛ lɛŋ lʉ̀ hə bətɔ, bə kə bɛ̀ʼ ɔ, kóʼ gwè nə nɔŋ chulɔŋ-njaafɛ̀ʼndɛŋNyii ndə bə kə́ tíi nə Lɛɛŋ, kəyəŋ ndə bɔ̂ŋ kə́ dùʼhə ɔŋ chɔ, ɔ kə́ gháa kyʉə kəghɔ-bʉə ndə bɔŋ tʉʼ ŋíi mu chunjaafɛ̀ʼndɛŋNyii.
6 Ndʉʉmɛ, Bita ghɔ̀ŋ mbɔ, "Mɔ kie kyʉə ndə məkɔ́ tʉ a fɛ, bɔŋ nukə ndə bəkɔ mɔ fɔ̀ʼ, mɔ bu fɔ̀ʼ tʉ a. Yie-Jiso Klai ndə ɔ lɔ̀ hə Nasalɛ, lɔ̀ hə sê tòʼ!"
7 Ɔ jɔ̀ kwiimɔʼnə-i, chɔ̀ʼhə ɔŋ, kwáa ɔ, ɔ lɔ̀ hə sê, haʼ ndʉʉmɛ fʉəŋtə-i ghɔŋ ŋgoʼ-fʉəŋ-hə-i tuŋ shʉ́ə. 8 Ɔ sɛ́ʼ tə́nə ndəŋ fʉəŋtə-i, chʉ́ʉhə kə́ tòʼ. Ndʉʉmɛ, ɔ sʉ́ʉ gɛ̀ ghɔŋ bɔŋ sêfu chunjaafɛ̀ʼndɛŋNyii, kə́ tòʼ, kə́ sɛ́ʼtə bɔŋ-kə́-leʼ lə̀ʼtə Nyii.