MəghaaNyii-bʉə ndə bɔ̂ŋ nɔʼ bɛ́ŋ Nyii
23 Ndʉʉ ndə bə yɔ̀ʼ ghɔkə ndəŋ Bita ghɔŋ Jɔŋ, bɔ̂ŋ bʉ̀nə gɛ̀ nyíɛ bəʼ-bʉə-kə ndə bɔ̂ŋ nɔʼ bɛ́ŋ Nyii, fʉ̀ʼtə nubə inchəŋ tʉ bɔŋ ndə bətiefɛ̀ʼndɛŋNyii ghɔŋbə bəntəŋbəshʉ gìe tʉ bɔŋ. 24 Ndʉʉ ndə bɔ̂ŋ yʉ́ yɔ̄ŋ-yə, bɔ̂ŋ bənchəŋ chɔ̀ʼhə gyʉʉhə-ʉə ghɔʼ gháaNyii ghɔ̀ŋ mbɔ, "Tiekətʉ-yaʼ, ndə a tʉʼ sɔ́ʼ wʉʉnəmbikə, ndə a chìi sê, chìi yuo, chìi muu ghɔŋbə fɔbə inchəŋ ndə i bɛ muŋgɔ,
29 Tiekətʉ, kíahə shʉ-a nduɔ, lɛ́nə nubə ndə bɔ̂ŋ nɔʼ fɔ̀ʼ, kwáa vâafɔʼɔ-ba ndə məkwə́ʼ ŋgiekə-a nə fyii shʉ́əshʉ́ə. 30 Tə́ŋ ghʉəʼ-nchʉʼ-kə-a, chìi fɔŋ-bəcheʼ leʼnə nuchíechubə tíŋ hə bɔ̌ŋ vaafɔ̀ʼ-a Jiso ndə ɔ kə bɛ ŋkʉʉ."
31 Ndʉʉ ndə bɔ̂ŋ gháaNyii liʼ, mbʉ kəyəŋ ndə bɔ̂ŋ tə́nə chɔ ŋʉ̀ʼnə. LyʉʉhəNyiikə ŋíi mu bɔŋ tə lə́ŋ, bɔ̂ŋ jyʉ́ʉ kəghɔ-ɔ, bɔ̂ŋ chʉ́ʉhə məkwə́ʼ ŋgieNyiikə nə fyii shʉ́əshʉ́ə.