Sɔɔ bɛ́ŋ Jiso
1 Bɔŋ Sɔɔ kə́ kàatə haʼ bələŋ ndə məyítə vâafɔʼɔ-Tiekətʉ. Ndʉʉmɛ, ɔ gɛ̀ bìatə Tiefɛ̀ʼndɛŋkwɛʼtəŋNyii, 2 bíʼtə tʉ ɔŋ mbɔ ɔ kɔ́ bəŋwɔʼnə tʉ ɔŋ, ndə məkie ghʉəʼkə ndə məgɛ̀ mu-njaagháaNyii-hə mu kəyəŋkwɛʼtəŋ Damasiko, gɛ̀ yátə bʉə ndə bɔ̂ŋ nɔʼ bɛ́ŋ mbʉ Fia-Nyii, bəke ghɔŋbə bələŋ, kɔ́ʼtə gwè nə bɔŋ Jɛlosalɛŋ gwè fʉ̀əŋ chaŋ.
3 Ndʉʉ ndə ɔ kə gɛ̀ tə kə́ kə́ŋhə mbʉə Damasiko, kə́ kwɔnə nyíɛ, kɛʼɛbɛʼ báa hə yuo lèʼnə mbʉə-ɔ. 4 Sɔɔ gwù sê yʉ́ gyʉʉ, i kə́ ghɔ̀ŋ mbɔ, "Sɔɔ! Sɔɔ! A tʉʼ chɔ́ŋhə mɔ mbuka?"
5 Sɔɔ bíʼtə mbɔ, "A buŋ bɛ nda lɔɔŋ, Tiekətʉ?"
Mbʉ gyʉʉ bə̀ŋhə mbɔ, "Mɔ nɔ bɛ Jiso, wo ndə a tʉʼ chɔ́ŋhə ɔŋ le.
15 Bɔŋ Tiekətʉ ghɔ̀ŋ mbɔ, "Gɛ̀ chìi nukə ndə mɔ ghɔ̀ŋ tʉ a. Bʉʼka Sɔɔ nɔ bɛ fɔ-fɔʼɔ-kə-ɔŋ ndə mɔ nɔʼ séʼ ndə məlɔ̀ʼ yie-ɔ tʉ bʉə ndə bɔ̂ŋ gòʼ təmə bɛ bʉə-Juu fɛ ghɔŋbə bəfɔŋ leʼnə bʉə-Isilɛ.
17 Ndʉʉghɔfii, Anania gɛ̀ sʉ́ʉ mu njaa-ghɔ̄ ndə Sɔɔ kə bɛ chɔ le, mɔ̀ʼ ghɔkə-i ndəŋ ɔŋ, ghɔ̀ŋ mbɔ, "Liŋ-ɔŋ Sɔɔ, Jiso Tiekətʉ ndə ɔ fyú tʉ a sêfia ndʉʉ ndə a kə́ gwè fɛ̄ŋ le, nɔ tə́ŋ mɔ tʉ a mbɔ a chʉʼ bʉ̀nə nyíɛ yəŋkə, LyʉʉhəNyiikə bɔŋleʼ jyʉ́ʉhə a."
20 Haʼ ndʉʉghɔfii, ɔ lɔ̀ʼ ŋgieNyiikə te Jiso mu-njaagháaNyii-hə, kə́ ghɔ̀ŋ mbɔ, "Ɔ nɔ bɛ VaaNyii shʉəŋ."