1 Wat atomaza me di tonong kukyɛk fi ku nesek ashi kutset, fi ku gyɛs gyiri tɛ agyilas. Ashi me nes ni kuta igwɔm Adakunom ni Kitsamang e, 2 ku gosok nate agbat irèn iwɔp e. Na kaakyɛ abak kukyɛk e, kakon inesek kutset di se, ka tes ica nri kusɔk abe afaa, ka korok ica me kaakyi kufɛn. Afumung ákon e yet ikan ites mben azatse kyang. 3 Ba bi tɛ ba sɛ ite kawɛy ni wɔp e awo. Kuta igwɔm Adakunom ni Kitsamang e bi se ni wɔp e, basam wu bi ku ya ntong. 4 Ba bi di ayisi wu, ni iyerek wu bi se na natii bá. 5 Ba da tɛ ba sɛ katuk azɔng awo. Ba bi tsɛt mgbey agaramun ke nfi kunom azɔng awo, nek aTisa Adakunom bi sot mgbey bá. Ba bi ya igwɔm ayɛ na ayɛ.