AMatiyu 16

AYiis BaFarasi nɛ BaSadusi

5 Ni izen fɛ́ bafi imɛɛs aYeso tat sak ni nyi ku ya, ba te burum dang bereng akpam. 6 AYeso fɛ̀ ni iba, <<Ka na nye yin, nɔ yin ni nhwyɛ yin nɛ ayiis BaFarasi nɛ BaSadusi.>>

7 Ba kpa cɛɛt wɔɔn ba, ba fɛ̀, <<Ke nek in won yit dang bereng yit akpam ɛ?>>

8 Wat aYeso rēn ikyɛng fɛ́ ba tsin cɛɛt natoon e, a ka ba rip yɛ, <<Iyin bafi inɔɔk atsak gyegyet, akyɛ sak fi icɛɛt yin wɔɔn yin ni di tes yin kucɛɛt ite burum akpam ɛ? 9 Iyin resek yin dang rēn yin ɛ? Iyin mi te burum yin fi in kin ya nɛ banet agup atoon nɛ ágbang akpam atoon, nakɔmɔng namang fi iyin kin tusung yin ɛ? 10 Ke i mi te burum yin fi in kin ya na banet agup anaas nɛ ágbang akpam kanakataat, nakɔmɔng namang fi iyin kin tusung yin ɛ? 11 Akyɛ sak fi i ki gaat yin irēn fok da akpam wu fi in di cɛɛt natoon e awɛ? Nye yin nhwyɛ nɛ ayiis BaFarasi nɛ BaSadusi.>> 12 Ama anɔng, ba da nɛ ba rēn fok da aYeso tsin cɛɛt naton ayiis yɔng fɛ́ ba di nyes akpam awo, a se ni i ka ba tonong fok na ba nye nhwyɛ ni itees BaFarasi nɛ BaSadusi.