2 Dɩmaŋ sɛ wʋ ga mɩɛna Yuda wʋkpa wʋrʋ baa yagɛ ɩ sɛ Akʋɩla, wʋ yɩɛ Pontosi dɩɛsɛ-bu bɛ, wʋ na wʋ alʋ Pirisila lɩɩ Italiya kɔŋ Koronto dɩɛ naŋ na, dɩ n taŋgɩlɛ ta a akala takɩɛ Kaladiyosi cha dʋ sɛ Yudatina kpiniŋ n lɩɩ Roma tibi dʋɔ. Sɛ Pɔɔlʋ ju na wʋ a ga kɩɛ ba, 3 Akala takɩɛ wʋ yɩɛ dukuru diko yɩɛrɛ bɛ takɩɛ ba. Dɩmʋŋ dʋɔ wʋ cha ba jaŋ sɛ wʋ na ba yɩɛ dɩtʋm.
Pɔɔlʋ bɔrɛ kɔŋ Antiyokiya dɩɛ naŋ
18 Sɛ Pɔɔlʋ cha Koronto gɩyɩɛnɩŋ akalasa ŋarɛ. Dɩmaŋ sɛ wʋ yela lɩɛdɩra baa sɛ wʋ mʋna lɩŋ dʋɔ ju Siriya, sɛ Pirisila na Akʋɩla ba kpaŋ ɩ. Pɔɩ na wʋ a ju na, wʋ fʋŋ wʋ nyɩnyʋɔsɛ Kenkiriya dɩɛ naŋ lɩɩna ntaŋ ŋii wʋ ka na dʋɔ. 19 Gʋ ba tala Efiso na, dɩmaŋ sɛ Pɔɔlʋ yela Pirisila na Akʋɩla sɛ wʋ tɩŋtɩŋ wʋ jʋʋ Yudatina tʋm danɛ gaa naŋ na wʋ a ga mɩɛgɩ-mɩɛgɩ Ɩsʋɔ wɩɛ ŋii naŋ na Yudatina baa.
26 Sɛ wʋ mʋ digela fara wʋ a tawɩ Yudatina tʋm danɛ gaa naŋ. Gʋ Pirisila na Akʋɩla nyii wɩɛ ŋii wʋ a tawɩ na, ba yagɛ ɩ ju ba waa dʋɔ ga lɩsɛ Ɩsʋɔ gbɩɛ gaa kalaa ɩ kʋrʋkʋrʋ.