Lɩɛdɩra baa jɔ dɩga sʋlʋ digela doŋ
23 Gʋ ba yela Petero na Yohane na, ba bɔrɛ ju ba dɔŋa lɩɛdɩra baa jaŋ ga tawɩ ba bʋrʋkʋma gaa Ɩsʋɔ sei bɩnɩɛ na dɩɛ bɩnɩɛ tawɩ ba na kpiniŋ. 24 Gʋ ba nyii ŋina na, ba mʋ nʋɔ garɛ jɔ dɩga fa Ɩsʋɔ tawɩ sɛ, <<Kpaŋjuo Ɩsʋɔ, nyaŋ n lɔ Ɩsʋɔ adugbe na tie, ɔpʋ na ŋɩ tɩba bʋrʋkʋma.
29 Dɩtɩɛna Ɩsʋɔ, kɩɛ ba ŋaŋsɛ dʋɔ na nyaa yela n tʋmɩrɛ a dɩlɛ tawɩ n wɩɛ digela doŋ naŋ. 30 Tɩɛŋɩ n pam na nyaa pala na Yesu n tʋmɩrɛ dɩchɩrɩchɩrɩ wʋŋ yɩrɛ naŋ chɔ bakpa na nyaa yɩɛ adaŋgana daasɛ na mamachi wɩɛ.
31 Gʋ ba jɔ dɩga taŋ na, diele gaa ba jaŋi na jigisi. Sɛ Ɩsʋɔ Feliŋ su ba kpiniŋ sɛ ba mʋ digela doŋ tawɩ Ɩsʋɔ wɩɛ.