Ananiyasi na Safira
1 Sɛ baalɛ wʋrʋ baa yagɛ ɩ sɛ Ananiyasi na wʋ alʋ Safira gba yaa ba tibi garɛ. 2 Ananiyasi alʋ gba jiŋ gʋ wʋ lɩsɛ aterembie ŋii ŋarɛ, sɛ wʋ mʋ ŋii ŋɩ kakaa na, kɔna kpirida baa.
3 Sɛ Petero tasɛ ɩ sɛ, <<Ananiyasi be n yɩɛ sɛ nya yela sɛ Sɩtanɩ su n digela sɛ nyaa yɩɛ akarɩɛ nyaa fa Ɩsʋɔ Feliŋ, sɛ nya lɩsɛ aterembie ŋii nya yaa n tibi na ŋarɛ? 4 Tibi gaa ba yɩɛ n teri bɛ pɔɩ sɛ nya yaa? Gʋ nya yaa wʋrʋgbɩɛ na, aterembie ŋii ba yɩɛ n teri bɛ? Be n yɩɛ sɛ nya fa nfɩɛrɛ sɛ nyaa yɩɛ ŋina? Nya n yɩɛ akarɩɛ fa wʋkpa a, ama Ɩsʋɔ.>>
8 Sɛ Petero tasɛ ɩ sɛ, <<Tawɩ maŋ, ŋina n nyina aterembie ŋii nyaŋ na Ananiyasi ɩ yu lɩɩ tibi gaa dʋɔ?>>
Sɛ wʋ lɩsɛ nʋɔ sɛ, <<Ɛɛŋ, ga aterembie mɩnaŋ.>>
9 Sɛ Petero tawɩ ɩ sɛ, <<Be n yɩɛ sɛ nyaŋ na ɩ kpa na ɩ yɩɛ Ɩsʋɔ Feliŋ ŋii lɔ tɩba? Kɩɛ, baa ba wuu n baalɛ na wɩɛ buonɔ, sɛ baa aaŋ ja baa sɩlɛ nyaŋ gba.>>