ମୁସୁଡ଼ିଙ୍ଗ୍ନେ ଅର୍ତ
31 ଅ ମ୍ନାଃ ଇଃସାଙ୍ଗ୍, ନାଁ କେ କେଲା ମୁଇଂ ମ୍ନା ମୁର୍ତି ନାକେକେ, ଜାବର୍ ମ୍ନା ଆରି ଜାବର୍ ତାର୍କିଗ୍କ୍ନେ ଆତେନ୍ ମୁର୍ତି ନାଁନେ ସାମ୍ନା ତୁଆଁକେ ଆରି ଆତ୍ନେ କିକେନେ ବୟଙ୍କାର୍ ଲେଃଗେ । 32 ଆତେନ୍ ମୁର୍ତିନେ ବାଆଃ ସୁନାନେ, ମେଁନେ ଗ୍ରି ଆରି ନ୍ତି ରୁପାନେ, ମେଁନେ ସୁଲୁଏଃ ଆରି ବୁଲୁ ପିତଲ୍ନେ ଲେଃଗେ, 33 ମେଁନେ ଞ୍ଚ ଲୁଆନେ ଆରି ମେଁନେ ଞ୍ଚନେ ଇଃତୁଡ଼ା ବାଗ୍ ଲୁଆନେ, ଇଃତୁଡ଼ା ତୁବଃ ଏତେ ଆରେବକ୍ନେ ଲେଃଗେ । 34 ନାଁ ମାଣ୍ଡା କେ କେଲା ସାରାସାରି ବେଲା ବିନା ନ୍ତିରେ ପାକ୍ଚିକ୍ନେ ମୁଇଂ ବ୍ରି ଆତେନ୍ ମୁର୍ତିନେ ଲୁଆ ଆରି ତୁବଃ ଏତେ ଆରେବକ୍ନେ ଞ୍ଚକେ ବଗ୍ଚେ ଗନ୍ଦା ଗନ୍ଦା ଆଡିଂଚେ ପାକ୍ଚି ବିଃକେ । 35 ଆକ୍ଅରିଆ ଲୁଆ, ତୁବଃ, ପିତଲ୍, ରୁପା ଆରି ସୁନା ମୁଇଂ ତର୍କେ ଗନ୍ଦା ଗନ୍ଦା ଡିଂଚେ ପାକ୍ଚି ୱେକେ, ଆରି ନ୍ନାସେଙ୍ଗ୍କିଗ୍ ବେଲାନେ ଗାବୁଜା ରକମ୍ ଡିଂକେ । ଆରି ୱେଡ଼ିଆଃ ଆତେନ୍ ସାପାକେ ଆୱାଲେ ରାଙ୍ଗ୍ଡକେ ଆରି ଆତେନ୍ ସାପା ଆତ୍ଲା ଆରି ଜାଗା ଆମିଲେକେ ଣ୍ଡୁ । ବାରି ଆତେନ୍ ମୁର୍ତିକେ ବଗ୍କେ ଆଣ୍ଡିନେ ବ୍ରି, ଆତେନ୍ ମ୍ନାଚେ ମୁଇଂ ମ୍ନା କଣ୍ଡା ଡିଂକେ, ଆରି ସାପା ଦର୍ତନିକେ ଆତ୍ଅରିଆ ବର୍ତି ଆଃଡିଂକେ ।