ଜୁଗ୍ଜୁଗ୍ ଲେଃନେ ଇସ୍ପର୍ନେ ଦର୍ସନ୍
9 ନିଂ କିକେନେ ବେଲା ଉଃଡ଼ିକ୍ଲିଗ୍ ସିଂହାସନ ତିଆର୍ ଡିଂକେ, ବାରି ଗୁଲୁଏ ମୁଆଁନେ ଡକ୍ରା ପାଙ୍ଗ୍ଚେ ତୁଆଁକେ, ମେଁନେ ସକା ଆରେଣ୍ଡ୍ୟାଃ ରକମ୍ ତୁଲୁଏ ବାନା ଆରି ମେଁନେ ବାଆଃନେ ଉଗ୍ବଃ ନିମାଣ୍ଡା ମେଣ୍ଡା ଉଗ୍ବଃ ରକମ୍ ଲେଃଗେ; ମେଁନେ ସିଂହାସନ ସୁଆନେ ସିକା ରକମ୍ ଆରି ଆତ୍ନେ ଚକ୍ର ସାପା ଡୁଆକ୍ନେ ସୁଆ ରକମ୍ ଲେଃଗେ । 10 ମେଁନେ ସେଃମଁବାନ୍ ସୁଆନେ ଲଣ୍ଡିଆ ତାର୍ଚେ ଜାର୍କେ; ଅଜାର୍ ଅଜାର୍ ମେଁନେ ଜତନ୍ ଡିଂଆର୍କେ ଆରି ଲକ୍ଷ ଲକ୍ଷ ମେଁନେ ସେଃମଁଅରିଆ ତୁଆଁଆର୍କେ । ବିଚାର୍ ଡିଂନେ କୁକପାର୍ କକେ ଆରି ବଇଇଂ ତଃଡ଼ାକେ ।
11 ଆତେନ୍ ଡିରଙ୍ଗ୍ନ୍ନିଆ ଗୁଆର୍ବକ୍ନେ ଗରବ୍ ସାମୁଆଁ ବାସଙ୍ଗ୍ନେ ଅଁଚେ ଆତେନ୍ ବେଲା ନିଂ ଙ୍କେକେ; ନିଂ ଙ୍କେକେ ଜେ, ସାରାସାରି ତେନ୍ ପସୁ ଗୁଏଃକେ ଆରି ମେଁନେ ଗାଗ୍ଡ଼େ ବିନାସ୍ ଡିଂକେ ଆରି, ମେଁ ସୁଆଅରିଆ ଗିଃନେ ନ୍ସାଃ ଅପେଃକେ ।