1 ନା ଣ୍ଡିଆ ଆଡ଼ାତ୍ରା ନାନେ କାଦି ତ୍ଲାଗ୍‌, ମେଃଡାଗ୍ଲା ଗୁଲେସି ଇଡ଼ିଙ୍ଗ୍‌ ଆତେନ୍‌ ପେବାଏ । 2 ଗୁ ରୁଆକେ, ଣ୍ଡୁଲା ତ୍ମା ରୁଆକେ ବାଗ୍‌ ବାଟାବିଃ । ମେଃଡାଗ୍ଲା ମଞ୍ଚ୍‌ପୁର୍‌ନିଆ ମେଃ ବିପଦ୍‌ ଗଟେଏ, ଆତେନ୍‌ ନା ନାମ୍ୟାଃ ଣ୍ଡୁ । 3 ତ୍ରିଗ୍‌ଡିଆଃ ଜଦି ଣ୍ଡିଆ ଏଃତେ ତ୍ନଲା ମଚ୍‌ପୁର୍‌ନିଆ ଆତେନ୍‌ କିଗ୍‌ ବିଃଏ । ବାରି, ସ୍ଲାଃ ଜଦି ଦକିନ୍‌ ଦିଗ୍‌ କି ଉତର୍‌ ଦିଗ୍‌ ପାକା ଲଃଏ, ତେଲା ଆଣ୍ଡିନେ ଜାଗାନ୍ନିଆ ଲଃଏ, ଆତେନ୍‌ ଜାଗାନ୍ନିଆ ଲେଃଏ । 4 ମୁଃଡ଼ି ରେମୁଆଁ ୱେଡ଼ିଆଃକେ କେଏ, ମେଁ ଆବିଗ୍‌ ଣ୍ଡୁ ଆରି ମୁଃଡ଼ି ରେମୁଆଁ ତ୍ରିଗ୍‌ଡିଆଃକେ କେଏ, ମେଁ ଆୱେଃ ଣ୍ଡୁ । 5 ନା ଡିରକମ୍‌ ୱେଡ଼ିଆଃ ୱେନେ ଗାଲି, ଆରି ଆଃବାଲେକ୍ନେ ସେଲାମ୍ବୁଏଃନେ ଗର୍‌ବେ ବିତ୍‌ରେ ଞ୍ଚିୟା ଡିରକମ୍‌ ମ୍ନାଏ, ଆତେନ୍‌ ପେମ୍ୟାକେ, ଦେତ୍‌ରକମ୍‌ ନା ପର୍‌ମେସର୍‌ନେ କାମ୍‌ ନାମ୍ୟାଃକେ, 6 ନା ଞ୍ଜିର୍‌ନୁଗ୍‌ ଚୁମୁଜା ବିଗ୍‌ ଆରି ଲମ୍‌ଡିଗ୍‌ ବେଲା ନାନେ ନ୍ତିକେ ଚୁପ୍‌ ଆରାଃଡିଙ୍ଗ୍‌କେ । ମେଃଡାଗ୍ଲା ଆକେନ୍‌ ଣ୍ଡୁଲା ଆତେନ୍‌ କାମ୍‌ ସପଲ୍‌ ଡିଙ୍ଗ୍‌ଏ, ଣ୍ଡୁଲା ମ୍ୱାର୍‌ନୁଗ୍‌ ଜାକ ନିମାଣ୍ଡା ଡିଙ୍ଗ୍‌ଏ, ଆକେନ୍‌ ନା ନାମ୍ୟାକେ ଣ୍ଡୁ । 7 ସାପାଟୁ ତାର୍‌କିଗ୍‌ ସୁକ୍‌, ବାରି ନାଃସେଙ୍ଗ୍‌କେ କିକେନେ ମ୍‌ମୁଆଃ ଆତ୍‌ଲା ସୁକ୍‌ । 8 ଅଃଅଁ, ଜଦି ରେମୁଆଁ ବେସି ମୁଆଁ ବ୍ରୁଆଏ, ତେଲା ମେଁ କାଲାଆଃ ମେଁ ସାର୍‌ଦା ଡିଙ୍ଗ୍‌ଲେଃ । ମାତର୍‌ ତାଂକିଗ୍‌ନେ ଦିନ୍‌ ସାପା ମେଁ ମନେ ଆବଲେଃ, ମେଃଡାଗ୍ଲା ଆତେନ୍‌ ଦିନା ସାପା ଗୁଲେସି ଡିଙ୍ଗ୍‌ଏ । ମେଃ ମେଃ ଗଟେଏ, ଆତେନ୍‌ ସାପା ବେକାର୍‌ ଆଃ ।

9 ଅ ଙ୍ଗିରେଇଂ, ନା ନିଜେ ଙ୍ଗିରେ ଲେଃକେଲା ଆଃ ସାର୍‌ଦା ଡିଙ୍ଗ୍‌ ଆରି ଙ୍ଗିରେ ବେଲା ନାନେ ମନ୍‌ ଆନାକେ ସାନ୍‌ତି ଆଃଡିଙ୍ଗ୍‌ଲେ, ଆରି ନାନେ ମନ୍‌ନେ ଇକ୍‌ଚାରେ ଅଲେଙ୍ଗ୍‌ ଆରି ନାନେ ମ୍‌ମୁଆଃନେ କିକେନେ ଇସାବ୍‌ରେ ଅଲେଙ୍ଗ୍‌ । ମାତର୍‌ ପର୍‌ମେସର୍‌ ଆକେନ୍‌ ସାପା ବିଷୟ୍‌ ସାଃଚେ ଆନାକେ ବିଚାର୍‌ନାଅରିଆ ଡୁଙ୍ଗ୍‌ପାଙ୍ଗ୍‌ଏ, ଆକେନ୍‌ ନା ମ୍ୟା ଲାଃଲା । 10 ଆତେନ୍‌ସା ନାନେ ମନ୍‌ ବିତ୍‌ରେ ଲେଃକ୍ନେ ରିସାକେ ସୁଲ ଆଃଡିଙ୍ଗ୍‌ । ଆରି ନାନେ ଗାଗ୍‌ଡ଼େ ବିତ୍‌ରେ ଲେଃକ୍ନେ ଦୁକ୍‌କେ ସୁଲ ଆଃଡିଙ୍ଗ୍‌ । ମେଃଡାଗ୍ଲା ଙ୍ଗିରେ ବେଲାନେ ବାରି ଦିନ୍‌ ସାପା ଜିବନ୍‌ରେ ସରାଃ ।