1 ବାରି, ରେମୁଆଁଇଂକେ ନେତାଇଂ ଯିରୂଶାଲମନିଆ ବାସାଆର୍‌କେ । ବାରି ବାଃଗା ରେମୁଆଁଇଂ ପବିତ୍ର ସହର୍‌ ଯିରୂଶାଲମନିଆ ବାସାନ୍‌ସା ସାପାରେ ଗୁଆ ରୁଆ ବିତ୍‌ରେ ମୁଇଂ ରୁଆକେ ଆତେନ୍‌ ଜାଗାନ୍ନିଆ ରାଙ୍ଗ୍‌ପାଂନେସା ଆରି ବିନ୍‌ ସନ୍‌ତିଂରୁଆକେ ବିନ୍‌ ବିନ୍‌ ସହର୍‌ନିଆ ଆଃବାସାନ୍‌ସା ଚିଟି ତ୍ଲାଗ୍‌କେ । 2 ଆରି, ଜାଣ୍ଡେଇଂ ଯିରୂଶାଲମନିଆ ବାସାନ୍‌ସା ନିଜର୍‌ ଇକ୍‌ଚାରେ ମେଇଂ ରାଜି ଡିଂଆର୍‌କେ, ରେମୁଆଁଇଂ ଆମେଇଂକେ ଦନ୍ୟବାଦ୍‌ ଡିଂଆର୍‌କେ । 3 ବିନ୍‌ ଦେଶ୍‌ନିଆ ଆକେନ୍‌ ମ୍ନା ମ୍ନା ରେମୁଆଁଇଂ ଯିରୂଶାଲମନିଆ ବାସା ଆର୍‌କେ । ମାତର୍‌ ଯିହୁଦାନେ ବିନ୍‌ ବିନ୍‌ ସହର୍‌ନିଆ ରେମୁଆଁଇଂ, ଡାଗ୍ଲା, ଇସ୍ରାଏଲ୍‌, ପୁଜାରିଇଂ ଆରି ଲେବୀୟଇଂ ଆରି ନଥୀନୀୟଇଂ ଆରି ଶଲୋମନ୍‌ନେ ଚାକର୍‌ଇଂନେ ଉଂଡେଇଂ ସାପାରେ ମେଙ୍ଗ୍‌ନେ ଅଦିକାର୍‌ରେ ମେଙ୍ଗ୍‌ନେ ସହର୍‌ନିଆ ବାସା ଆର୍‌କେ ।

4 ବାରି, ଯିହୁଦାନେ ଉଂଡେଇଂ ବିତ୍‌ରେ ଆରି ବିନ୍ୟାମୀନ୍‌ନେ ଉଂଡେଇଂ ବିତ୍‌ରେ ଉଡ଼ିରୁଆ ଯିରୂଶାଲମନିଆ ବାସା ଆର୍‌କେ । ଯିହୁଦାନେ ଉଂଡେଇଂ ବିତ୍‌ରେ ଆତାନ୍‌ ଉଷୀୟନେ ଉଂଡେ ଅଥାୟ, ଆତେନ୍‌ ଉଷୀୟ ଜିଖରିୟନେ ଉଂଡେ, ଜିଖରିୟ ଅମରୀୟନେ ଉଂଡେ, ଅମରୀୟ ଶଫଟୀୟନେ ଉଂଡେ, ଶଫଟୀୟ ମହଲଲେଲନେ ଉଂଡେ, ମହଲଲେଲ ପେରସ୍‌ ଉଂଡେଇଂନେ ବାନ୍‌ ମୁଇଂଜା,

5 ଆରି, ବାରୁକନେ ଉଂଡେ ମାସେୟ, ଆତେନ୍‌ ବାରୁକ୍‌ କଲେହାଷିନେ ଉଂଡେ, କଲେହାଷି ହସାୟନେ ଉଂଡେ, ହସାୟ ଅଦାୟାନେ ଉଂଡେ, ଅଦାୟା ଯୋୟାରୀବ୍‌ନେ ଉଂଡେ, ଯୋୟାରୀବ୍‌ ଜିଖରିୟନେ ଉଂଡେ, ଜିଖରିୟ ଶୀଲୋନିନେ ଉଂଡେ ।

6 ପେରସନେ ଉଂଡେ ସାପା ମିସୁଃଚେଃ ଅଁ ଶହ ଅଟ୍‌ସଟି ରୁଆ ବୀର ରେମୁଆଁଇଂ ଯିରୂଶାଲମନିଆ ବାସା ଆର୍‌କେ ।

7 ବିନ୍ୟାମୀନ୍‌ନେ ଉଂଡେଇଂ, ମଶୁଲ୍ଲମ୍‌ନେ ଉଂଡେ ସଲ୍ଲୁ, ଆତେନ୍‌ ମଶୁଲ୍ଲମ୍‌ ଯୋୟେଦ୍‌ନେ ଉଂଡେ, ଯୋୟେଦ୍‌ ପଦାୟନେ ଉଂଡେ, ପଦାୟ କୋଲାୟାନେ ଉଂଡେ, କୋଲାୟା ମାସେୟନେ ଉଂଡେ, ମାସେୟ ଇଥୀୟେଲନେ ଉଂଡେ, ଇଥୀୟେଲ ଯିଶାୟାହନେ ଉଂଡେ ।

8 ବାରି, ଆମେଇଂକେ ଆନ୍ତାର୍‌ଚେ ଗବ୍ବୟ, ସଲ୍ଲୟ ସାପା ମିସୁଃଚେଃ ସନ୍ତିଙ୍ଗ୍‌ ଶହ ଅଟାଇଶ୍‌ ରୁଆ । 9 ଆରି, ସିଖ୍ରୀନେ ଉଂଡେ ଯୋୟେଲ୍‌ ମେଙ୍ଗ୍‌ନେ ମ୍ନାରେ ଲେଃଗେ ଆରି ହସନୁୟେନେ ଉଂଡେ ଯିହୁଦା ସହର୍‌ନେ ଦୁତିୟ ତର୍‌ ସାସନ୍‌ ଡିଂଣ୍ଡ୍ରେ ଲେଃଗେ ।

10 ପୁଜାରିଇଂନେ ବିତ୍‌ରେ, ଯୋୟାରୀବନେ ଉଂଡେ ଯିଦୟୀୟ, ଯାଖୀନ୍‌ ।

11 ହିଲ୍‌କିୟନେ ଉଂଡେ ସରାୟ, ଆତେନ୍‌ ହିଲ୍‌କିୟ ମଶୁଲ୍ଲମନେ ଉଂଡେ, ମଶୁଲ୍ଲମ୍‌ ସାଦୋକନେ ଉଂଡେ, ସାଦୋକ୍‌ ମରାୟୋତନେ ଉଂଡେ, ମରାୟୋତ୍‌ ଅହୀଟୂବ୍‌ନେ ଉଂଡେ, ଅହୀଟୂବ୍‌ ପର୍‌ମେସର୍‌ ଡୁଆନେ ନେତା ଲେଃଗେ । 12 ଡୁଆନିଆ କାମ୍‌ ଡିଂଣ୍ଡ୍ରେ ମେଙ୍ଗ୍‌ନେ ବୟାଁଇଂ ତ୍ମା ଶହ ବାଇଶ୍‌ ରୁଆ ଲେଃଗେ । ବାରି, ଯିରୋହମ୍‌ନେ ଉଂଡେ ଅଦାୟା, ଆତେନ୍‌ ଯିରୋହମ୍‌ ପଲଲିୟନେ ଉଂଡେ, ପଲଲିୟ ଅମ୍‌ସିନେ ଉଂଡେ, ଅମ୍‌ସି ଜିଖରିୟନେ ଉଂଡେ, ଜିଖରିୟ ପଶ୍‌ହୂର୍‌ନେ ଉଂଡେ, ପଶ୍‌ହୂର୍‌ ମଲ୍‌କୀୟନେ ଉଂଡେ, 13 ବାରି, ଅଦାୟାନେ ବୟାଁଇଂ ମ୍ୱାର୍‌ ଶହ ବୟାଲିଶ୍‌ ରୁଆ ଆବା ବଂସଇଂନେ ମ୍ନାରେ ଲେଃଗେ । ଅସରେଲ‌ନେ ଉଂଡେ ଅମଶୟ, ଆତେନ୍‌ ଅସରେଲ ଅହସୟନେ ଉଂଡେ, ଅହସୟ ମଶିଲ୍ଲେମୋତ୍‌ନେ ଉଂଡେ, ମଶିଲ୍ଲେମୋତ୍‌ ଇମ୍ମେରନେ ଉଂଡେ, 14 ଆରି, ମେଙ୍ଗ୍‌ନେ ବୟାଁଇଂ ମୁଇଂ ଶହ ଅଟାଇଶ୍‌ ରୁଆ ଜାବର୍‌ ସକ୍ତିସାଲି ଙ୍ଗିରେ ଲେଃଆର୍‌ଗେ ଆରି ହଗ୍‌ଦୋଲୀମନେ ଉଂଡେ ସବ୍‌ଦୀୟେଲ ମେଙ୍ଗ୍‌ନେ ନେତା ଲେଃଗେ ।

15 ଲେବୀୟଇଂନେ ବିତ୍‌ରେ, ହଶୂବ୍‌ନେ ଉଂଡେ ଶମୟିୟ, ଆତେନ୍‌ ହଶୂବ୍‌ ଅସ୍ରୀକାମ୍‌ନେ ଉଂଡେ, ଅସ୍ରୀକାମ୍‌ ହଶବିୟନେ ଉଂଡେ, ହଶବିୟ ବୁନ୍ନିନେ ଉଂଡେ ।

16 ଆରି, ଲେବୀୟଇଂନେ ମ୍ନାରେଇଂ ବିତ୍‌ରେ ଶବ୍ବଥୟ ଆରି ଯୋଷାବଦ୍‌ ପର୍‌ମେସର୍‌ନେ ଡୁଆନେ ବାଏରେ କାମ୍‌ ଆଃଡିଂନେ ନେତା ଲେଃଗେ ।

17 ଆରି, ଆସଫନେ ବଂସବାନ୍‌ ଜନମ୍‌ ଡିଂକ୍ନେ ସବ୍‌ଦିନେ ଏଗ୍‌ଲେଣ୍ଡେ ମୀକାନେ ଉଂଡେ ମତ୍ତନିୟ ଞ୍ଜିର୍‌ ଞ୍ଜିର୍‌ନୁଗ୍‌ ବେଲା ଦନ୍ୟବାଦ୍‌ ଡିଂନେ ମ୍ନାରେମୁଆ ଲେଃଗେ ଆରି ମେଁନେ ବୟାଁଇଂନେ ବିତ୍‌ରେ ବକ୍‌ବୁକିୟ ଦ୍ୱିତୀୟ ଲେଃଗେ । ବାରି, ଯିଦୂଥୂନ୍‌ ବଂସବାନ୍‌ ଜନମ୍‌ ଡିଂକ୍ନେ ଗାଲଲନେ ଏଗ୍‌ଲେଣ୍ଡେ ଶମ୍ମୂୟନେ ଉଂଡେ ଅବ୍ଦ । 18 ପବିତ୍ର ସହର୍‌ନିଆ ଲେବୀୟଇଂ ସାପା ଡିଂଚେଃ ମ୍ୱାର୍‌ ଶହ ଚରାଅଶି ରୁଆ ଲେଃଗେ ।

19 ଆରି, ଜାଗୁଆଲ୍‌ଇଂ ଅକ୍‌କୂବ୍‌, ଟଲମୋନ୍‌ ଆରି ସହର୍‌ ସାମ୍ନାନ୍ୟା ର୍ଣ୍ଣସାଂ ଡାଗ୍ରା ଉର୍‌ନେ ରେମୁଆଁଇଂନେ ବୟାଁଇଂ ମୁଇଂ ଶହ ବାସ୍ତୁରି ରୁଆ ଲେଃଗେ ।

20 ବାରି, ଇସ୍ରାଏଲ୍‌ନେ, ପୁଜାରିଇଂନେ, ଲେବୀୟଇଂନେ ବାଃଗା ରେମୁଆଁଇଂ ସାପାରେ ଯିହୁଦାନେ ସାପା ସହର୍‌ନିଆ ସାପାରେ ନିଜର୍‌ ନିଜର୍‌ନେ ଜାଗାନ୍ନିଆ ଲେଃଆର୍‌ଗେ । 21 ମନ୍ଦିର୍‌ ଡାଗ୍ରା ବାସା ଲାଏଃକ୍ନେ ରେମୁଆଁଇଂ ଓଫଲନିଆ ବାସା ଆର୍‌କେ । ଆରି, ସୀହ ଆରି ଗିଷ୍ପ ପାର୍‌ତନା ଡୁଆନିଆ ସେବା ଡିଙ୍ଗ୍‌ନେ ରେମୁଆଁଇଂନେ ମୁକିଆ ଲେଃଗେ । 22 ଆସଫ ବଂସନେ ଅସ୍‌ମାର୍‌ ସାର୍‌ଣ୍ଡ୍ରେଇଂନେ ବାନ୍‌ ମୀକାନେ ଉଂଡେ, ମତ୍ତନିୟନେ ଉଂଡେନେ ଏଗ୍‌ଲେଣ୍ଡେ, ହଶବୀୟନେ ଏଗ୍‌ଲେଣ୍ଡେ, ବାନିନେ ଉଂଡେ ଉଷି ଯିରୂଶାଲମନିଆ ଲେବୀୟଇଂନେ ମୁକିଆ ଲେଃଗେ, ମେଁ ଡିଗ୍‌ ପର୍‌ମେସର୍‌ନେ ଡୁଆ ଜତନ୍‌ ଡିଂନେ ବେଲା ସାଇଜ ଡିଂବଗେ । 23 ମାତର୍‌ ମେଙ୍ଗ୍‌ନେ ବିସ‍ଏରେ ରାଜାନେ ଆଦେସ୍‌ ଲେଃଗେ ଆରି ଦିନ୍‌କେ କାମ୍‌ ଡିଂକ୍ନେସାଃ ଆମେଙ୍ଗ୍ ଉଃଡ଼ି ଦରକାର୍ ଅଃତେନ୍‌ ବିନ୍‌ସା ଅସ୍‌ମାର୍‌ ସାର୍‌ଣ୍ଡ୍ରେଇଂକେ ଅଃତେନ୍ ପୁଡ଼ି ବିଃଆର୍‌କେ ।

24 ଆରି, ଯିହୁଦାନେ ଉଂଡେ ସେରହନେ ବଂସବାନ୍‌ ଜନମ୍‌ ଡିଂକ୍ନେ ମଶେଷବେଲନେ ଉଂଡେ ପଥାହୀୟ ରେମୁଆଁଇଂନେ ସାପା କାମ୍‌ ବିସ‍ଏରେ ରାଜାନିଆ ଲେଃଗେ ।

25 ବାରି, ଯିହୁଦାନେ ଉଂଡେଇଂନେ ବିତ୍‌ରେ ଉଡ଼ିରୁଆ ଗୁଲେ ଇନି ଆରି ଆତେନ୍ ଜାଗାଇଂଅରିଆ, ଆରି, କିରୀୟଥ-ଅର୍ବ‍ ଆରି ଆତ୍‌ଅରିଆନେ ମ୍ନାଃ ସହର୍‌ନିଆ, ଦୀବନ୍‌ ଆରି ଆତ୍‌ଅରିଆ ଲାଏଃକ୍ନେ ମ୍ନା ସହର୍‌ନିଆ, ଯିକବ୍‌ସେଲ୍‌ ଆତ୍ଅରିଆ ଲେକ୍ନେ ଇନିନିଆ । 26 ଆରି, ଯେଶୂୟନିଆ, ମୋଲାଦାନିଆ ଆରି ବୈଥ୍‌ପେଲଟନିଆ । 27 ଆରି ହତ୍‌ସର-ଶୁୟାଲ୍‌ନିଆ, ବେରଶେବା ଆରି ଆତ୍‌ଅରିଆ ଲେଃକ୍ନେ ଡାଆଁ ସହର୍‌ । 28 ଆରି ସିକ୍ଲଗ୍‌ନିଆ, ମକୋନା ଆରି ଆତ୍‌ଅରିଆ ଲେଃକ୍ନେ ସହର୍‌ନିଆ । 29 ଆରି ଐନ୍‌ ରିମ୍ମୋଣନିଆ, ସରାୟନିଆ ଆରି ଯର୍ମୁତ୍‌ନିଆ । 30 ସାନୋହ, ଅଦୁଲ୍ଲମ ଆରି ଆତ୍‌ଅରିଆ ଇନିନିଆ, ଲାଖୀଶ୍‌ ଆରି ଆତ୍‌ଅରିଆ ଲେଃକ୍ନେ ଜାଗାନ୍ନିଆ, ଅସେକା ଆରି ଆତ୍‌ଅରିଆ ଲେଃକ୍ନେ ମ୍ନା ସହର୍‌ନିଆ ବାସା ଆର୍‌କେ । ଦେକ୍‌ରକମ୍‌ ମେଇଂ ବେରଶେବା ବାନ୍‌ ହିନ୍ନୋମ୍‌ନେ ଆରାତ୍ରା ଜାକ ବାସା ଆର୍‌କେ । 31 ବିନ୍ୟାମୀନନେ ଉଂଡେଇଂ ଡିଗ୍‌ ଗେବାବାନ୍‌ ସେନୁଗ୍‌, ମିକ୍‌ମସ ଆରି ଅୟାନିଆ, ବୈଥେଲ୍‌ ଆରି ଆତ୍‌ଅରିଆନେ ମ୍ନା ସହର୍‌ । 32 ଅନାଥୋତ, ନୋବ ଆରି ଅନନିୟାନିଆ । 33 ହାସୋନେ, ରାମା, ଗିତ୍ତୟିମନିଆ । 34 ହାଦୀଦ୍‌, ସବୋୟିମ, ନବଲ୍ଲାଟନିଆ । 35 ଲୋଦ ଆରି ଓନୋ, ବାଡ଼େଇ ରେମୁଆଁଇଂନେ କଣ୍ଡା ଆଡ଼ାନିଆ ବାସା ଆର୍‌କେ । 36 ଆରି, ଯିହୁଦାନିଆ ସମ୍ପର୍କ ବକ୍ନେ ଗୁଲେ ପାଲି ସାଃକ୍ନେ ଉଡ଼ିରୁଆ ଲେବୀୟଇଂ ବିନ୍ୟାମୀନ୍‌ ଏତେ ମିସୁଃଆର୍‌କେ ।