1 କାନ୍ତି ଆଃରେନେ ଡାଲା, ନେଙ୍ଗ୍‌ କାପାଟ୍‌ ସାପା ନ୍ନାକକେ, ବାରି ର୍ଣ୍ଣସାଂନିଆ ଉର୍‌ଣ୍ଡ୍ରେ ବାରି ଅସ୍‌ମାର୍‌ ସାର୍‌ଣ୍ଡ୍ରେ ବାରି ଲେବୀୟଇଂ ମିସୁଃଆର୍‌କେ । 2 ତେଲା ନେଙ୍ଗ୍‌ ନେବୟାଁ ହନାନିକେ ବାରି ଇଃସାଙ୍ଗ୍‌ ଡୁଆନେ ସାସନ୍‌କର୍ତା ହନାନୀୟକେ ଯିରୂଶାଲମ ଆଡ଼ାତ୍ରା ନ୍ନାଃମିସୁଃକେ । ମେଁ ଡାଗ୍‌ଲା ହନାନୀୟ ସତ୍‌ ରେମୁଆଁ ଲେଃଗେ ବାରି ମେଁ ସାପାରେନେ ବାନ୍‌ ପର୍‌ମେସର୍‌କେ ବୁଟ ଡିଂଗେ । 3 ଆରି, ନେଙ୍ଗ୍‌ ଆମେଇଂକେ ମ୍ୱାସଙ୍ଗ୍‌କେ, "ତଙ୍ଗାର୍‌ ସ୍ନି ଜାକ ଯିରୂଶାଲମନେ କାପାଟ୍‌ଆଣ୍ଡେଙ୍ଗ୍‌ ଆରଃଗ୍‌ପା । ରେମୁଆଁଇଂ ଉର୍‌ନେ କାମ୍‌ ବେଲା ତୁଆଁ ଲେଃକେଲା କାପାଟ୍‌ ସାପା ବନ୍ଦ୍‌ ଆଡିଂପା, ବାରି ପେ ଆତ୍‌ଅରିଆ ଗାଡ଼ା ତ୍ଲାଗ୍‌ପା । ବାରି ପେ ଯିରୂଶାଲମନିଆ ବାସାଆର୍‌ଲେଃକ୍ନେ ରେମୁଆଁଇଂକେ ମିଡିଗ୍‌ ବେଲା ଉର୍‌ନେ କାମ୍‌ନ୍ନିଆ ଆଃମିସୁଃପା, ମେଇଂ ସାପାରେ ଉର୍‌କ୍ନେ କେଲା ବାରି ସାପାରେ ନିଜର୍‌ ନିଜର୍‌ନେ ଡୁଆ ସାମ୍‌ନା ଲେଃଆର୍‌ଲେ ।"

4 ଇନି ଅସାର୍‌ ବାରି ଚ୍ଲେ ଲେଃଗେ । ମାତର୍‌ ଆତ୍ଅରିଆ ଗଣ୍ଡା ରେମୁଆଁ ଲେଃଗେ ବାରି ଡୁଆ ସାପା ତିଆର୍‌ ଡିଙ୍ଗ୍‌ନେ ଲୁଗ୍‌ ଆଲେଗେ ଣ୍ଡୁ । 5 ଆତେନ୍‌ସା ବଂସ ଇସାବ୍‌ରେ ଏଜା ନ୍‌ସାଃ ମ୍ନାଃ ମ୍ନାଃ ରେମୁଆଁଇଂକେ ଆରି ସାସନ୍‌ ଡିଂଣ୍ଡ୍ରେଇଂକେ ଆରି ରେମୁଆଁଇଂକେ ମୁଇଂତୁଗ୍‌ ରାଃସିଙ୍ଗ୍‌ ନ୍‌ସାଃ ନେଙ୍ଗ୍‌ନେ ପର୍‌ମେସର୍‌ ନେଙ୍ଗ୍‌ ମନ୍‌ ବିତ୍‌ରେ ବାସଙ୍ଗ୍‌କେ । ବାରି, ଜାଣ୍ଡେଇଂ ସିସେ ପାଙ୍ଗ୍‌ଲେଃଆର୍‌ଗେ, ନେଙ୍ଗ୍‌ ମେଙ୍ଗ୍‌ନେ ବଂସନେ ବଇ ମ୍ୱାକେ, ଆତ୍‌ଅରିଆ ଦେକ୍‌ରକମ୍‌ ଗୁଆର୍‌ବକ୍ନେ ଙ୍କେକେ, ଆତେନ୍‌ଇଂ, 6 ଜାଣ୍ଡେଇଂ ବନ୍ଦି ଡିଂଚେ ପାଂଲେ ଆର୍‌ଗେ, ମେଙ୍ଗ୍‌ନେ ବିତ୍‌ରେ ବାନ୍‌ ନିଜର୍‌ ଦେସ୍‌ନେ ଆକେନ୍‌ ଗଡ଼େଙ୍ଗ୍‌ଇଂ ସାପାରେ ଯିରୂଶାଲମ ବାରି ଯିହୁଦା ଲେଃକ୍ନେ ନିଜର୍‌ ନିଜର୍‌ନେ ଇନିନିଆ ଆଣ୍ଡେ ପାଙ୍ଗ୍‌ଆର୍‌କେ, ବାବିଲନ୍‌ନେ ଇଃସାଙ୍ଗ୍‌ ନବୂଖଦ୍‌ନିତ୍ସର୍‌ ଆକ୍ମେଇଂକେ ରାଙ୍ଗ୍‌ଡବଗେ । 7 କିମେଇଂ ଡିଂଡିଂକେ ଯିରୁବ୍ବାବିଲ୍‌, ଯେଶୂୟ, ନିହିମୀୟା, ଅସରୀୟ, ରୟମା, ନହମାନି, ମର୍ଦ୍ଦଖୟ, ବିଲ୍‌ଶନ୍‌, ମିସ୍ପର୍‌, ବିଗ୍‌ବୟ, ନହୂମ, ବାନା ଏଃତେ ଆଣ୍ଡେପାଂଆର୍‌କେ । ଇସ୍ରାଏଲ୍‌ ବଂସନେ ଙ୍ଗିରେଇଂନେ ସଂକ୍ୟା ଆକେନ୍‌, 8 ପରିୟୋଶନେ ଉଂଡେଇଂ ମ୍ୱାର୍‌ ଅଜାର୍‌ ମୁଇଂ ଶହ ବାସ୍ତୁରି ରୁଆ । 9 ଶଫଟିୟନେ ଉଂଡେଇଂ ଞ୍ଜିଶହ ବାସ୍ତୁରି ରୁଆ । 10 ଆରହନେ ଉଂଡେଇଂ ତୁର୍‌ ଶହ ବାବନ୍‌ ରୁଆ । 11 ଯେଶୂୟ ବାରି ଯୋୟାବନେ ଉଂଡେଇଂନେ ବିତ୍‌ରେ ବାନ୍‌ ପହତ୍‌ ମୋୟାବନେ ଉଂଡେଇଂ ମ୍ୱାର୍‌ ଅଜାର୍‌ ତ୍ମା ଶହ ଅଟ୍ର ରୁଆ । 12 ଏଲମ୍‌ନେ ଉଂଡେଇଂ ମୁଇଂ ଅଜାର୍‌ ମ୍ୱାର୍‌ ଶହ ଚଉବନ୍‌ ରୁଆ । 13 ସତ୍ତୂନେ ଉଂଡେଇଂ ତ୍ମା ଶହ ପଇଞ୍ଚାଲିଶ୍‌ ରୁଆ । 14 ସକ୍‌କୟନେ ଉଂଡେଇଂ ଗୁଶହ ଷାଟିଏ ରୁଆ । 15 ବିନ୍ନୁୟିନେ ଉଂଡେଇଂ ତୁର୍‌ ଶହ ଅଟ୍‌ଚାଲିସ୍‌ ରୁଆ । 16 ବେବୟନେ ଉଂଡେଇଂ ତୁର୍‌ ଶହ ଅଟାଇଶ୍‌ ରୁଆ । 17 ଅସ୍‌ଗଦନେ ଉଂଡେଇଂ ମ୍ୱାର୍‌ ଅଜାର୍‌ ଞ୍ଜି ଶହ ବାଇଶ୍‌ ରୁଆ । 18 ଅଦୋନୀକାମନେ ଉଂଡେଇଂ ତୁର୍‌ଶହ ସତ୍‌ଷଟି ରୁଆ । 19 ବିଗ୍‌ବୟନେ ଉଂଡେଇଂ ମ୍ୱାର୍‌ ଅଜାର୍‌ ସତ୍‌ଷଟି ରୁଆ । 20 ଆଦୀନନେ ଉଂଡେଇଂ ତୁର୍‌ ଶହ ପଞ୍ଚାବନ୍‌ ରୁଆ । 21 ହିଜକୀୟନେ ବଂସନେ ବାନ୍‌ ଆଟେରନେ ଉଂଡେଇଂ ଅଟାନବେ ରୁଆ । 22 ହଶୂମନେ ଉଂଡେଇଂ ଞ୍ଜିଶହ ଅଟାଇଶ୍‌ ରୁଆ । 23 ବେତ୍‌ସୟନେ ଉଂଡେଇଂ ଞ୍ଜିଶହ ଚବିଶ୍‌ ରୁଆ । 24 ହାରୀଫନେ ଉଂଡେଇଂ ମୁଇଂ ଶହ ଗମ୍ୱାର୍‌ କ୍ଲିଗ୍‌ ରୁଆ । 25 ଗିବିୟୋନ୍‌ନେ ଉଂଡେଇଂ ପଞ୍ଚାନବେ ରୁଆ । 26 ବେଥଲିହିମ୍‌ ବାରି ନଟୋଫାନେ ରେମୁଆଁ ମୁଇଂ ଶହ ଅଟାଅସି ରୁଆ । 27 ଅନାଥୋତ୍‌ନେ ରେମୁଆଁଇଂ ମୁଇଂ ଶହ ଅଟାଇଶ୍‌ ରୁଆ । 28 ବେଥ୍‌-ଅସ୍ମାବତନେ ରେମୁଆଁଇଂ ବୟାଲିଶ୍‌ ରୁଆ । 29 କିରୀୟତ୍-ୟାରିମ୍‌ନେ, କଫୀରାନେ ବାରି ବେରୋତନେ ରେମୁଆଁଇଂ ଗୁଶହ ତେୟାଲିଶ୍‌ ରୁଆ । 30 ରାମା ବାରି ଗେବାନେ ରେମୁଆଁଇଂ ତୁର୍‌ଶହ ଏକୁଇସ୍‌ ରୁଆ । 31 ମିକ୍‌ମସନେ ରେମୁଆଁଇଂ ମୁଇଂ ଶହ ବାଇଶ୍‌ ରୁଆ । 32 ବୈଥେଲ୍‌ ବାରି ଅୟନେ ରେମୁଆଁଇଂ ମୁଇଂ ଶହ ତେଇଶ୍‌ ରୁଆ । 33 ‍ବିନ୍‌ ବିନ୍‌ ନବୋନେ ରେମୁଆଁଇଂ ବାବନ୍‌ ରୁଆ । 34 ବିନ୍‌ ଏଲମ୍‌ନେ ଉଂଡେଇଂ ମୁଇଂ ଅଜାର୍‌ ମ୍ୱାର୍‌ ଶହ ଚଉବନ୍‌ ରୁଆ । 35 ହାରୀମନେ ଉଂଡେ ଞ୍ଜିଶହ କୁଡ଼ିଏ ରୁଆ । 36 ଯିରୀହୋନେ ଉଂଡେଇଂ ଞ୍ଜିଶହ ପଇଞ୍ଚାଲିଶ୍‌ ରୁଆ । 37 ଲୋଦ୍‌, ହାଦୀଦ୍‌ ବାରି ଓନୋନେ ଉଂଡେଇଂ ଗୁଶହ ଏକୁଇସ୍‌ ରୁଆ । 38 ସନାୟାନେ ଉଂଡେଇଂ ଞ୍ଜି ଅଜାର୍‌ ସନ୍‌ତିଂ ଶହ ତିରିସ୍‌ ରୁଆ । 39 ପୁଜାରିଇଂନେ ସଂକ୍ୟା । ଯେଶୂୟ ବଂସନେ ଯିଦୟୀୟନେ ଉଂଡେଇଂ ସନ୍‌ତିଂ ଶହ ତେସ୍ତୁରି ରୁଆ । 40 ଇମ୍ମେରନେ ଉଂଡେଇଂ ମୁଇଂ ଅଜାର୍‌ ବାବନ୍‌ ରୁଆ । 41 ପଶ୍‌ହୂରନେ ଉଂଡେଇଂ ମୁଇଂ ଅଜାର୍‌ ମ୍ୱାର୍‌ ଶହ ସତ୍‌ଚାଲିଶ୍‌ ରୁଆ । 42 ହାରୀମନେ ଉଂଡେଇଂ ମୁଇଂ ଅଜାର୍‌ ସତ୍‌ର ରୁଆ । 43 ଲେବୀୟଇଂନେ ସଂକ୍ୟା । ହେଦବାନେ ଉଂଡେଇଂ, ଯେଶୂୟନେ ଉଂଡେଇଂ, କଦ୍‌ମୀୟେଲ୍‌ନେ ଉଂଡେଇଂ ଚଉସ୍ତୁରି ରୁଆ । 44 ଅସ୍‌ମାର୍‌ ସାର୍‌ନେ ରେମୁଆଁଇଂନେ ସଂକ୍ୟା । ଆସଫନେ ଉଂଡେଇଂ ମୁଇଂ ଶହ ଅଟ୍‌ଚାଲିସ୍‌ ରୁଆ । 45 ର୍ଣ୍ଣସାଂନିଆ ଉର୍‌ନେ ରେମୁଆଁଇଂନେ ସକ୍ୟା । ଶଲ୍ଲୁମନେ ଉଂଡେଇଂ, ଆଟେରନେ ଉଂଡେଇଂ, ଟଲମୋନନେ ଉଂଡେଇଂ, ଅକ୍‌କୂବନେ ଉଂଡେଇଂ, ହଟୀଟାନେ ଉଂଡେଇଂ, ଶୋବୟନେ ଉଂଡେଇଂ ମୁଇଂ ଶହ ଅଟ୍‌ତିରିସ୍‌ ରୁଆ । 46 ପାର୍‌ତନା ଡୁଆ ସେବା ଡିଙ୍ଗ୍‌ନେ ରେମୁଆଁଇଂନେ ସକ୍ୟା । ସୀହନେ ଉଂଡେଇଂ, ହସୂଫାନେ ଉଂଡେଇଂ, ଟବ୍ବାୟୋତନେ ଉଂଡେଇଂ । 47 କେରୋସନେ ଉଂଡେଇଂ, ସୀୟନେ ଉଂଡେଇଂ, ପାଦୋନନେ ଉଂଡେଇଂ । 48 ଲବାନାନେ ଉଂଡେଇଂ, ହଗାବନେ ଉଂଡେଇଂ, ଶମ୍‌ଲୟନେ ଉଂଡେଇଂ । 49 ହାନନନେ ଉଂଡେଇଂ, ଗିଦ୍ଦେଲନେ ଉଂଡେଇଂ, ଗହରନେ ଉଂଡେଇଂ । 50 ରାୟାନେ ଉଂଡେଇଂ, ରତ୍‌ସୀନନେ ଉଂଡେଇଂ, ନକୋଦନେ ଉଂଡେଇଂ । 51 ଗସମନେ ଉଂଡେଇଂ, ଉଷନେ ଉଂଡେଇଂ, ପାସେହନେ ଉଂଡେଇଂ । 52 ବେଷୟନେ ଉଂଡେଇଂ, ମିୟୂନୀମନେ ଉଂଡେଇଂ, ନଫିଷୀମନେ ଉଂଡେଇଂ । 53 ବକ୍‌ବୁକନେ ଉଂଡେଇଂ, ହକୂଫାନେ ଉଂଡେଇଂ, ହର୍ହୂରନେ ଉଂଡେଇଂ । 54 ବସ୍‌ଲୂତନେ ଉଂଡେଇଂ, ମହୀଦାନେ ଉଂଡେଇଂ, ହର୍ଶାନେ ଉଂଡେଇଂ । 55 ବର୍କୋସନେ ଉଂଡେଇଂ, ସୀଷରାନେ ଉଂଡେଇଂ, ତେମହନେ ଉଂଡେଇଂ । 56 ନତ୍‌ସୀହନେ ଉଂଡେଇଂ, ହଟୀଫାନେ ଉଂଡେଇଂ । 57 ଶଲୋମନ୍‌ନେ ଚାକର୍‌ଇଂନେ ଉଂଡେଇଂନେ ସକ୍ୟା । ସୋଟୟନେ ଉଂଡେଇଂ, ସୋଫେରତରନେ ଉଂଡେଇଂ, ପରିଦାନେ ଉଂଡେଇଂ । 58 ଯାଳାନେ ଉଂଡେଇଂ, ଦର୍କୋଣନେ ଉଂଡେଇଂ, ଗିଦ୍ଦେଲନେ ଉଂଡେଇଂ । 59 ଶଫଟୀୟନେ ଉଂଡେଇଂ, ହଟୀଲାନେ ଉଂଡେଇଂ, ପୋଖେରତ୍‌-ଅତ୍‌ସବାୟିମନେ ଉଂଡେଇଂ, ଆମୋନ୍‌ନେ ଉଂଡେଇଂ ।

60 ସାପାବାନ୍‌ ପାର୍‌ତନା ଡୁଆନିଆ ସେବା ଡିଙ୍ଗ୍‌ନେ ରେମୁଆଁଇଂ ବାରି ଶଲୋମନ୍‌ନେ ଚାକର୍‌ଇଂନେ ଉଂଡେଇଂନେ ସକ୍ୟା ଞ୍ଜିଶହ ବୟାନବେ ରୁଆ । 61 ବାରି, ତେଲ୍‌ମେଲହ, ତେଲହର୍ଶା, କରୁବ୍‌, ଅଦ୍ଦନ୍‌, ବାରି ଇମ୍ମେର, ଆକେନ୍‌ ସାପା ଜାଗାବାନ୍‌ ରେମୁଆଁ ପାଂଆର୍‌କେ । ମାତର୍‌ ମେଇଂ ଇସ୍ରାଏଲ୍‌ନେ ରେମୁଆଁ ଡାଗ୍‌ଚେ ନିଜର୍‌ ନିଜର୍‌ନେ ଆବାନେ ବଂସନେ ବାରି କୁଟୁମ୍‌ନେ ପ୍ରମାଣ୍‌ ବିଃଆୟାଆର୍‌କେ ଣ୍ଡୁ । ଆକେନ୍‌ ରେମୁଆଁଇଂ କିମେଇଂ, 62 ଦଲାୟନେ ଉଂଡେଇଂ, ଟୋବୀୟନେ ଉଂଡେଇଂ, ନକୋଦନେ ଉଂଡେଇଂ, ତୁର୍‌ଶହ ବୟାଲିଶ୍‌ ରୁଆ ।

63 ପୁଜାରିଇଂନେ ବାନ୍‌ ହବାୟନେ ଉଂଡେଇଂ, ହକ୍‌କୋସନେ ଉଂଡେଇଂ, ବର୍ସିଲ୍ଲୟନେ ଉଂଡେଇଂ, ଆକେନ୍‌ ବର୍ସିଲ୍ଲୟ ଗିଲୀୟଦୀୟ ବର୍ସିଲ୍ଲୟନେ ମୁଇଂ ସେଲାକେ ବିଏ ଡିଂବଲା ମେଁନେ ମିନି ଇସାବ୍‌ରେ ୱାଆର୍‌କେ । 64 କିମେଇଂ ବଂସନେ ଇସାବ୍‌ରେ ଏଜାବକ୍ନେ ରେମୁଆଁଇଂନେ ବିତ୍‌ରେ ପେନି ବଂସନେ ଉଲିଆକେ ତୁର୍‌ଆର୍‌କେ, ମାତର୍‌ ଆହବା ଆର୍‌କେ । ଆତେନ୍‌ସା ମେଇଂ ଆବୁଲେଃ ଡିଂଲାଏଃକେ ଡାଗ୍‌ଚେ ପୁଜାରି ପଦ୍‌ବାନ୍‌ ଆଃତାର୍‌ ବିଃଆର୍‌କେ । 65 ବାରି, ସାସନ୍‌ଡିଂଣ୍ଡ୍ରେ ଆମେଇଂକେ ବାସଙ୍ଗ୍‌କେ ଯେ, "ଊରୀମ୍‌* ବାରି ତୁମ୍ମୀମ୍‌ଧାରୀ ପୁଜାରି ମାପାଙ୍ଗ୍‌ ଜାକ ପେ ପୁଜାରି ବାଟାନେ ପବିତ୍ର କାଦି ପେଚଙ୍ଗ୍‌ ଣ୍ଡୁ ।" 66 ବାରି, ସାପା ସମାଜ୍‌ ବୟାଲିଶ୍‌ ଅଜାର୍‌ ଞ୍ଜିଶହ ଷାଟିଏ ରୁଆ । 67 ଆକ୍ମେଇଂକେ ଆନ୍ତାର୍‌ଚେ ମେଙ୍ଗ୍‌ନେ ଚାକର୍‌ ଚାକର୍‌ବୁଏଃଇଂ ଗୁ ଅଜାର୍‌ ଞ୍ଜି ଶହ ସଇଁତିରିସ୍‌ ରୁଆ ଲେଃଗେ । ବାରି ମେଙ୍ଗ୍‌ନେ ମ୍ୱାର୍‌ ଶହ ପଇଞ୍ଚାଲିଶ୍‌ ରୁଆ ଅସ୍‌ମାର୍‌ ସାର୍‌ଣ୍ଡ୍ରେ ସେଲା ଙ୍ଗିରେ ଲେଃଗେ । 68 ମେଙ୍ଗ୍‌ନେ ଗୁ ଶହ ଚତିଶ୍‌ଟା ଗଡ଼ା । ମ୍ୱାର୍‌ ଶହ ପ‍ଇଁଚାଲିସ୍‌କ୍ଲିଗ୍‌ ଖଚର ଲାଏଃଗେ; 69 ଅଁ ଶହ ପ‍ଇଁତିରିସ୍‌କ୍ଲିଗ୍‌ ଉଟ୍‌ । ତୁର୍‌ ଅଜାର୍‌ ଗୁ ଶହ କୁଡ଼େଟା ଗଦ ଲେଃଗେ । 70 ବାରି, ଆବାନେ ବଂସନେ ମୁକିଆଇଂନେ ବାନ୍‌ ଜା ଜା ଆତେନ୍‌ କାମ୍‌ ଆତ୍‌ଲା ଦାନ୍‌ ଡିଙ୍ଗ୍‌ଆର୍‌କେ । ସାସନ୍‌ଡିଂଣ୍ଡ୍ରେ ଡାବୁ ବନେ ଡୁଆନିଆ ଡାରିକ୍‌* ମିନିକ୍ନେ ମୁଇଂ ଅଜାର୍‌ ସୁନାନେ ଡାବୁ, ପଚାଶ୍‌ଟା କୁଡ଼୍‌କା, ମାଲ୍‌ଶହ ତିରିଶ୍‌ଟା ପୁଜାରି ସଃନେ ସକା ବିଃକେ । 71 ବାରି, ଆବାନେ ବଂସନେ ଉଃଡ଼ିକ୍ଲିଗ୍‌ ମ୍ନାଃ ରେମୁଆଁଇଂ ନିଜେନେ ର୍ଣ୍ଣାବାନ୍‌ ଡାରିକ୍‌* ମିନିକ୍ନେ କୁଡ଼ିଏ ଅଜାର୍‌ଟା ସୁନାନେ ଡାବୁ ବାରି ମ୍ୱାର୍‌ ଅଜାର୍‌ ମ୍ୱାର୍‌ ଶହ କେଜି ରୁପା ସ୍ଲେନ୍‌ସା ବିଃକେ । 72 ବିନ୍‌ ରେମୁଆଁ ସାପାରେ ଡାରିକ୍‌* ମିନିକ୍ନେ କୁଡ଼ିଏ ଅଜାର୍‌ ସୁନାନେ ଡାବୁ ବାରି ମ୍ୱାର୍‌ ଅଜାର୍‌ ପାଉଣ୍ଡ୍‌ ରୁପା ବାରି ସତ୍‌ଶଟିଟା ପୁଜାରି ସନେ ସକା ବିଃକେ । 73 ଆକେନ୍‌ ଇଡ଼ିଂ ପୁଜାରିଇଂ, ଲେବୀୟଇଂ, ମିଡିଗ୍‌ ବେଲା ବାଜାର୍‌ ଉର୍‌ଣ୍ଡ୍ରେଇଂ ବାରି ଅସ୍‌ମାର୍‌ ସାର୍‌ଣ୍ଡ୍ରେଇଂ, ବାରି ଉଡ଼ି ରେମୁଆଁଇଂ ବାରି ନଥୀନୀୟଇଂ ବା ପାର୍‌ତନା ଡୁଆ ସେବା ଡିଂଣ୍ଡ୍ରେଇଂ ବାରି ସାପା ଇସ୍ରାଏଲ୍‌ ନିଜର୍‌ ନିଜର୍‌ନେ ଇନିନିଆ ବାସାଆର୍‌କେ । ବାରି ଗୁ ଆର୍କେ କେଲା ଇସ୍ରାଏଲ୍‌ନେ ଉଂଡେଇଂ ମେଙ୍ଗ୍‌ନେ ଇନିନିଆ ଲେଃଗେ ।