1 ମୁଡ଼ି ପୁଜାରିଇଂ ଆରି ଲେବୀୟଇଂ ଶଲଟୀୟେଲ୍‌ନେ ଉଂଡେ ଯିରୁବ୍ବାବିଲ୍‌ ଆରି ଯେଶୂୟ ଏତେ ପାଙ୍ଗ୍‌ଲେ ଆର୍‌ଗେ, ମେଇଂନେ ମ୍ନି, ସରାୟ, ଯିରିମିୟ, ଏଜ୍ରା । 2 ଅମରୀୟ, ମଲ୍ଲୂକ, ହଟୂଶ୍‌, 3 ଶକନିୟ, ରହୂମ୍‌, ମରେମୋତ୍‌ । 4 ଇଦ୍ଦୋ, ଗିନ୍ନଥୋୟ, ଅବୀୟ । 5 ମିୟାମୀନ୍‌, ମୋୟଦିୟ, ବିଲ୍‌ଗା । 6 ଶମୟୀୟ ଆରି ଯୋୟାରୀବ୍‌, ଯିଦୟୀୟ । 7 ସଲ୍ଲ, ଆମୋକ, ହିଲ୍‌କିୟ, ଯିଦୟୀୟ । କିମେଇଂ ଯେଶୂୟନେ କେଲା ପୁଜାରିଇଂନେ ଆରି ମେଙ୍ଗ୍‌ ମେଙ୍ଗ୍‌ନେ ବୟାଁଇଂ ବିତ୍‌ରେ ମୁକ୍ୟ ଲେଃଗେ । 8 ଆରି ଲେବୀୟଇଂ, ଆତେନ୍‌ଇଂ, ଯେଶୂୟ, ବିନ୍ନୁୟି,କଦ୍‌ମୀୟେଲ, ଶେରେବୀୟ, ଯିହୁଦା ଆରି ମତ୍ତନିୟ, ଆକେନ୍‌ ମତ୍ତନୀୟ ଆରି ମେଁନେ ବୟାଁଇଂ ଦନ୍ୟବାଦ୍‌ ବିଃନେ ସେବା କାମ୍‌ଅରିଆ ମୁକିଆ ଲେଃଗେ । 9 ଏଲେଡିଗ୍‌ ମେଙ୍ଗ୍‌ନେ ବୟାଁ ବକ୍‌ବୁକିୟ ଆରି ଉନ୍ନି ମେଇଂନେ ସାମ୍‌ନାନିଆ ଡୁଆ ଉର୍‌ନେ କାମ୍‌ ଡିଂଆର୍‌କେ ।

10 ବାରି, ଯେଶୂୟନେ ଉଂଡେ ଯୋୟାକୀମ୍‌, ଯୋୟାକୀମ୍‌ନେ ଉଂଡେ ଇଲୀୟାଶୀବ୍‌ ଆରି ଇଲିୟାଶୀବନେ ଉଂଡେ ଯୋୟାଦ, 11 ଯୋୟାଦ୍‌ନେ ଉଂଡେ ଯୋନାଥନ୍ ଆରି ଯୋନାଥନ୍‌ନେ ଉଂଡେ ଯଦ୍ଦୂୟ ।

12 ବାରି, ଯୋୟାକୀମ୍‌ନେ କେଲା ଆକେନ୍‌ ପୁଜାରିଇଂ ଆବା ବଂସନେ ମ୍ନା ଲେଃଗେ, ଆତେନ୍‌ଇଂ, ସରାୟ ବଂସନେ ମରାୟ, ଯିରିମିୟ ବଂସନେ ହନାନିୟ । 13 ଏଜ୍ରା ବଂସନେ ମଶୁଲ୍ଲମ୍‌ । ଅମରୀୟ ବଂସନେ ଯିହୋହାନନ୍‌ । 14 ମଲ୍ଲୁକି ବଂସନେ ଯୋନାଥନ୍, ଶବନୀୟ ବଂସନେ ଯୋଷେଫ୍‌ । 15 ହାରୀମ ବଂସନେ ଅଦନ୍‌ । ମରାୟୋତ୍‌ ବଂସନେ ହିଲ୍‌କୟ । 16 ଇଦ୍ଦୋ ବଂସନେ ଜିଖରିୟ । ଗିନ୍ନଥୋନ ବଂସନେ ମଶୁଲ୍ଲମ୍‌ । 17 ଅବୀୟ ବଂସନେ ସିଖ୍ରୀ । ମିନ୍ୟାମୀନ୍‌ ବଂସନେ, ମୋୟଦିୟ ବଂସନେ ପିଲ୍‌ଟେୟ । 18 ବିଲ୍‌ଗା ବଂସନେ ଶମ୍ମୁୟ । ଶମୟୀୟ ବଂସନେ ଯିହୋନାଥନ୍‌ । 19 ଆରି, ଯୋୟାରୀବ ବଂସନେ ମତ୍ତନୟ । ଯିଦୟୀୟ ବଂସନେ ଉଷି । 20 ସଲ୍ଲୟ ବଂସନେ କଲ୍ଲୟ, ଆମୋକ ବଂସନେ ଏବର; 21 ହିଲ୍‌କିୟ ବଂସନେ ହଶବୀୟ; ଯିଦୟୀୟ ବଂସନେ ନଥନେଲ୍‌ ।

22 ଇଲୀୟାଶୀବ୍‌, ଯୋୟାଦ ଆରି ଯୋହାନନ ଆରି ଯଦ୍ଦୂୟ କେଲା ଲେବୀୟଇଂ, ଡିଗ୍‌ ପାରସିକ ଦାରୀୟାବସନେ ସାସନ୍‌ କେଲା ପୁଜାରିଇଂ ଆବା ବଂସନେ ମ୍ନାଃ କୁଟୁମ୍‌ନେ ମ୍ନିଅରିଆ ଆଃଗୁଆର୍‌ଆର୍‌କେ । 23 ଲେବୀ ବଂସବାନ୍ ଜନମ୍‌ ଡିଂଲେକ୍ନେ ନ୍ତାଇଂନେ ବଂଶନିଆ ମ୍ନାରେଇଂନେ ମିନି ଇଲୀୟାଶୀବ୍‌ନେ ଉଂଡେ ଯୋହାନନ କେଲାବାନ୍‌ କୁଟୁମ୍‌ ମ୍ନି ଲେଃକ୍ନେ ବଇନିଆ ଆଃଗୁଆର୍‌ ଆର୍‌କେ ।

24 ଲେବୀୟଇଂନେ ମୁକିଆରେ । ହଶବୀୟ, ଶେରେବୀୟ ଆରି କଦ୍‌ମୀୟେଲ୍‌ନେ ଉଂଡେ ଯେଶୂୟ ଆରି ମେଙ୍ଗ୍‌ନେ ଡାଗ୍ରା ଲାଏଃକ୍ନେ ବୟାଁଇଂ ପର୍‌ମେସର୍‌ନେ ରେମୁଆଁଇଂ ଦାଉଦ୍‌ନେ ଉକୁମ୍‌ରେ ମାନ୍ଦା ମାନ୍ଦା ଡିଂଚେ ପ୍ରଶଂସା ଆରି ଦନ୍ୟବାଦ୍‌ ବିନ୍‌ସା ମିସୁଃକେ । 25 ମତ୍ତନୀୟ ଆରି ବକ୍‌ବୁକିୟ, ଓବଦୀୟ, ମଶୁଲ୍ଲମ୍‌, ଟଲମୋନ୍‌, ଅକ୍‌କୂବ୍‌, ଜାଗୁଆଲ୍ ଡିଂଚେ ର୍ଣ୍ଣସାଙ୍ଗ୍‌ଡାଗ୍ରା ଲେକ୍ନେ କିଆଉଁଆଃ ଲେଃକ୍ନେ ଡୁଆ ସାପା ଜାଗୁଆଲ୍‌ କାମ୍‌ ଡିଂକେ । 26 କିମେଇଂ ଯୋଷାଦକନେ ଏଗ୍‌ଲେଣ୍ଡେ ଯେଶୂୟନେ ଉଂଡେ ଯୋୟାକୀମ୍‌ କେଲା, ଆରି ସାସନ୍‌ଡିଂଣ୍ଡ୍ରେ ନିହିମୀୟା ଆରି ଗ୍ର ଏଜ୍ରା ପୁଜାରିଇଂନେ କେଲା ଲେଃଗେ ।

27 ଏନ୍‌ଇଡ଼ିଙ୍ଗ୍‌ ଯିରୂଶାଲମନେ କାନ୍ତିକେ ଉଦ୍‌ଗାଟନ୍‌ ଡିଂକେଲା ରେମୁଆଁଇଂ ବାଃତିଚେଃ, ଡୁଡୁଙ୍ଗା ବାଜା ଆରି ସ୍ନେଙ୍ଗ୍‌ଗିର୍‌ ବଗ୍‌ଚେ ଦନ୍ୟବାଦ୍‌ ଆରି ଅସ୍‌ମାର୍‌ ଏଃତେ ସାର୍‌ଦାରେ ଉଦ୍‌ଗାଟନ୍‌ ଡିଂନେ ବଜି ପାଲେନ୍‌ସା ଲେବୀୟଇଂକେ ଯିରୂଶାଲମନିଆ ରାଙ୍ଗ୍‌ପାଙ୍ଗ୍‌ନ୍‌ସାଃ ମେଙ୍ଗ୍‌ନେ ସାପା ଜାଗାନ୍ନିଆ ଆମେଇଂକେ ତୁର୍‌ଆର୍‌କେ । 28 ଆରି, ଅସ୍‌ମାର୍‌ ସାର୍‌ଣ୍ଡ୍ରେଇଂନେ ଉଂଡେଇଂ ଯିରୂଶାଲମନେ ପିତୁର୍‌ପାକା ଲେଃକ୍ନେ ବାଟାନିଆ ଆରି ନଟୋଫାତୀୟଇଂନେ ଗୁଲେ ଇନିବାନ୍‌, 29 ଆରି ବୈଥ୍‌ ଗିଲ୍‌ଗଲବାନ୍‌, ଆରି ଗେବା ଆରି ଅସ୍ମାବତ ଲିଜବାନ୍‌ ମୁଇଂତୁଗ୍‌ ରିସିଙ୍ଗ୍‌ ଆର୍‌କେ । ମାତର୍‌ ଅସ୍‌ମାର୍‌ ସାର୍‌ଣ୍ଡ୍ରେଇଂ ଯିରୂଶାଲମନେ ପିତୁର୍‌ପାକା ମେଇଂ ଆତ୍‌ଲା ଇନି ଆଃକବଗେ । 30 ବାରି, ପୁଜାରିଇଂ ଆରି ଲେବୀୟଇଂ ନିଜେ ନିଜେକେ ପବିତ୍ର ଆଃଡିଂଆର୍‌କେ । ଆରି, ମେଇଂ ରେମୁଆଁଇଂକେ ଆରି କାପାଟ୍‌ ସାପାକେ ଆରି କାନ୍ତି ସାପାକେ ପବିତ୍ର ଆଃଡିଂଆର୍‌କେ । 31 ଏନ୍‌ ନ୍‌ସା ନେଙ୍ଗ୍‌ ଯିହୁଦାନେ ନେତାଇଂକେ କାନ୍ତି ଆଡ଼ାତ୍ରା ରାଙ୍ଗ୍‌ମ୍ପାଂକେ, ଆରି ଦନ୍ୟବାଦ୍‌ ବାରି କିର୍‌ତନ୍‌ ଡିଂନ୍‌ସାଃ ମ୍ୱାକ୍ଲିଗ୍‌ ମ୍ନା ଦଲ୍‌କେ ସ୍ରି ମ୍ୱକେ । ତେଲା ମୁଇଂ ଦଲ୍‌ ଇଞ୍ଚଙ୍ଗ୍‌ତି ପାକାନେ କାନ୍ତି ଆଡ଼ାତ୍ରା ବିଃଚେ କତ୍‌ କାପାଟ୍‌ ପାକା ୱେଆର୍‌କେ । 32 ବାରି, ମେଙ୍ଗ୍‌ନେ ପ୍ଲା ହୋଶୟିୟ ଆରି ଯିହୁଦାନେ ନେତାଇଂନେ ବାଃଗା, 33 ଆରି,ଅସରୀୟ, ଏଜ୍ରା ବାରି ମଶୁଲ୍ଲମ୍‌, 34 ଯିହୁଦା ବାରି ବିନ୍ୟାମୀନ୍‌ ଆରି ଶମୟୀୟ ଆରି ଯିରିମିୟ 35 ଆରି ଉଡ଼ିରୁଆ ପୁଜାରିନେ ଉଂଡେଇଂ ପ୍ନିଃ ସାଚେ ଅଲେଙ୍ଗ୍‌ ଆର୍‌କେ । ଆସଫନେ ବଂସବାନ୍‌ ଜନମ୍‌ ଡିଂଲାଏଃକ୍ନେ ସକ୍‌କୂରନେ ବାଡ଼େନେ ଉଂଡେନେ ଏଗ୍‌ଲେଣ୍ଡେ, ମୀଖାୟନେ ଉଂଡେନେ ଏଗ୍‌ଲେଣ୍ଡେ, ମତ୍ତନୀୟନେ ଉଂଡେନେ ଏଗ୍‌ଲେଣ୍ଡେ, ଶମୟୀୟନେ ଉଂଡେ ଜାଣ୍ଡେକି ଯୋନାଥନ୍, ମେଁନେ ଉଂଡେ ଜିଖରିୟ 36 ଆରି, ମେଁନେ ବୟାଁଇଂ ଶମୟୀୟ ବାରି ଅସରେଲ, ମିଲଲୟ, ଗିଲଲୟ, ମାୟିୟ, ନଥନେଲ୍‌ ବାରି ଯିହୁଦା, ହନାନି, କିମେଇଂ ପର୍‌ମେସର୍‌ନେ ରେମୁଆଁ ଦାଉଦ୍‌ବାନ୍‌ ଆଃରେବକ୍ନେ ନାନା ରକମ୍‌ନେ କାଣ୍ଡେଙ୍ଗ୍ ବଗ୍‌ଡେଙ୍ଗ୍‌ନେ ଜିନିସ୍‌ ସାଚେ ୱେକେ । ଏଜ୍ରା ଗ୍ର ମେଙ୍ଗ୍‌ନେ ସେନୁଗ୍‌ ସେନୁଗ୍‌ ଅଲେଙ୍ଗ୍‌ୱେକେ । 37 ବାରି, ମେଇଂ ଜଲା ଗାଲି ଡାଗ୍ରା ଡିଂଚେ ମେଙ୍ଗ୍‌ନେ ସେଃମଁ ଲାଏଃକ୍ନେ ସିଦା ଗାଲିନିଆ ଦାଉଦ୍‌ ଇନିନେ ପାଉଁଚ୍ ଏଃତେ କାନ୍ତି ଡେଃନେ ଡିନ୍‌ଣ୍ଡେଃ ତୁଆଁଚେ ଦାଉଦ୍‌ନେ ଡୁଆ ଆଡ଼ାତ୍ରା ବିଃଚେ ପୁରୁବ୍‌ ଦିଗ୍ ପାକା ଲାଏଃକ୍ନେ ଣ୍ଡିଆଗାଲି ଜାକ ୱେକେ । 38 ବାରି, ମେଙ୍ଗ୍‌ନେ ବାକି ଦଲ୍‌ ଦନ୍ୟବାଦ୍‌ ଡିଂକେ, ମେଇଂ ଆମେଇଂକେ ବେଟ୍‌ଗାଟ୍‌ ଡିଂନ୍‌ସା ୱେଆର୍‌କେ, ବାରି ନେ ଆରି ରେମୁଆଁଇଂନେବାନ୍‌ ବାକି ସାପାରେ ମେଙ୍ଗ୍‌ନେ ପ୍ଲା ପ୍ଲା ୱେଚେ କାନ୍ତି ଆଡ଼ାତ୍ରା ଦୁପ୍‌ଦିପ୍ ସାଃଚେ ରାଜ୍‌ମହଲ୍‌ ବିଃଚେ ଅସାର୍ କାନ୍ତି ଜାକ ନେୱେକେ । 39 ଆରି, ଇଫ୍ରୟିମ ଗାଲି ବାରି ବାଉଇର୍‌କ୍ନେ ର୍ଣ୍ଣସାଙ୍ଗ୍ ବିଃଚେ ବାରି ଆଃଡ଼ ର୍ଣ୍ଣସାଙ୍ଗ୍ ବିଃଚେ ବାରି ହନନେଲ ତିଆର୍ ଡୁଆ ବିଃଚେ ବାରି ହମିୟ ତିଆର୍ ଡୁଆ ବିଃଚେ ମେଣ୍ଡା ର୍ଣ୍ଣସାଙ୍ଗ୍ ଜାକ ନେୱେକେ । ବାରି, ମେଇଂ ଜାଗୁଆଲ୍‌ ଉର୍‌ଲେଃକ୍ନେ ର୍ଣ୍ଣସାଙ୍ଗ୍‌ନିଆ ତୁଆଁଲେ ଆର୍‌ଗେ । 40 ଦେକ୍‌ରକମ୍‌ ପର୍‌ମେସର୍‌ନେ ଡୁଆନିଆ ଦନ୍ୟବାଦ୍‌ ଡିଂଣ୍ଡ୍ରେ ଆତେନ୍‌ ମ୍ୱାର୍‌ ଦଲ୍‌ ବାରି ନେ, ବାରି ନେ ଏଃତେ ଅଦିକାରିଇଂନେ ଅଦା । 41 ବାରି, ଇଲୀୟାକୀମ୍‌, ମାସେୟ, ମୀନ୍ୟାମୀନ୍‌, ମୀଖାୟ, ଇଲୀୟୋ-ଐନୟ, ଜିଖରିୟ, ହନାନୀୟ ପୁଜାରିଇଂ ପ୍ନିଃ ପିଃଣ୍ଡ୍ରେ ଲାଏଃଗେ । 42 ବାରି, ମାସେୟ ବାରି ଶମୟୀୟ ବାରି ଇଲୀୟାସର ବାରି ଉଷି ବାରି ଯିହୋହାନନ୍‌ ବାରି ମଲ୍‌କୀୟ ବାରି ଏଲମ୍‌ ବାରି ଏସର୍‌, ବାରି ନେ ସାପାରେ ତୁଆଁ ନେଲେଃଗେ । ଆତେନ୍‌ ବେଲା ଅସ୍‌ମାର୍‌ ସାର୍‌ଣ୍ଡ୍ରେ ବାରି ମେଙ୍ଗ୍‌ନେ ଅଦିକାରି ଯିଷ୍ରହିୟ ୱାସାର୍‌ଚେ ଅସ୍‌ମାର୍‌ ସାର୍‌ଆର୍‌କେ ।

43 ବାରି, ଆତେନ୍‌ ଦିନା ରେମୁଆଁଇଂ ମୁଇଂ ମ୍ନାନେ ପଶୁ ସିଃଚେ ସାର୍‌ଦା ଡିଂଆର୍‌କେ । ମେଃଡାଗ୍‌ଲା ପର୍‌ମେସର୍‌ ଆମେଇଂକେ ଜାବର୍‌ ସାର୍ଦାରେ ସାର୍‌ଦା ଆଃଡିଂବଗେ । ବାରି ସେଲାମ୍ବୁଏଃଇଂ, ବାରି ଗଗିସିଆଇଂ ସାର୍‌ଦା ଡିଂଆର୍‌କେ । ଇଡ଼ିଂ ଯିରୂଶାଲମନିଆ ସାର୍‌ଦା ଡିଙ୍ଗ୍‌କ୍ନେ ଜାବର୍‌ ସୁଲ ଜାକ ଅଁକେ ।

44 ବାରି, ଆତେନ୍‌ ଦିନାନେ ଦନ୍‌ ବାରି ମାପ୍‌ରୁ ଆରାତ୍ରା ଆଃସା ବିଃନେ ଜିନିସ୍‌ଇଂ ଦାନ୍ ବିଃନେ, ପର୍‌ତୁମ୍‌ ଚୁକ୍ନେ ଚୁଚୁ ବାରି ଗୁଆ ବାଗ୍‌ବାନ୍ ମୁଇଂ ବାଗ୍ ପୁଜାରି ବାରି ଲେବୀୟଇଂ ଆତ୍‌ଲା ଗୁଲୁଏ ଇନିନେ ଲିଜ ଇସାବ୍‌ରେ ନିଅମ୍‌ ତିଆର୍‌ ଡିଙ୍ଗ୍‌କ୍ନେ ମୁଇଂ ବାଗ୍‌ ସାଃନ୍‌ସା ସାପା ବାକ୍ରାନିଆ ରେମୁଆଁଇଂ ମିସୁଃଆର୍‌କେ । ଡାଗ୍‌ଲା ଅଦିକାରି ପୁଜାରି ବାରି ଲେବୀୟ ରେମୁଆଁଇଂନେ ଆତ୍‌ଲା ଯିହୁଦା ରେମୁଆଁଇଂ ଜାବର୍‌ ସାର୍‌ଦା ଡିଂଲେ ଆର୍‌ଗେ । 45 ବାରି, ମେଇଂ ଦାଉଦ୍‌ ବାରି ମେଁନେ ଉଂଡେ ଶଲୋମନ୍‌ନେ ଆଦେସ୍‌ ଇସାବ୍‌ରେ ପେନି ପର୍‌ମେସର୍‌କେ ସେବା ଡିଂଆର୍‌କେ ବାରି ପବିତ୍ର ଡିଂଆର୍‌କେ, ବାରି ଅସ୍‌ମାର୍‌ ସାର୍‌ଣ୍ଡ୍ରେ ବାରି ଜାଗୁଆଲ୍‌ଇଂ ଦେତ୍‌ରକମ୍‌ ଡିଂଆର୍‌କେ । 46 ମେଃଡାଗ୍‌ଲା ଅଃସେ ଦାଉଦ୍‌ ବାରି ଆସଫନେ ସମୟ୍‌ରେ ଅସ୍‌ମାର୍‌ ସାର୍‌ଣ୍ଡ୍ରେଇଂନେ ବିତ୍‌ରେ ମୁଇଂଜା ମ୍ନାଃଲେଏ ବାରି ପର୍‌ମେସର୍‌ନେ ମିନିରେ ପ୍ରଶଂସା ବାରି ଦନ୍ୟବାଦ୍‌ ଡିଂନ୍‌ସା ଗ୍ଲୁଏ ଅସ୍‌ମାର୍‌ ଲେଃଏ । 47 ବାରି, ଯିରୁବ୍ବାବିଲ୍‌ ବାରି ନିହିମୀୟାନେ ସମୟ୍‌ରେ ସାପା ଇସ୍ରାଏଲ୍‌ ସାପାଦିନା ଦର୍‌କାର୍‌ ଲାଏଃକ୍ନେ ଅନୁସାରେ ଅସ୍‌ମାର୍‌ ସାର୍‌ଣ୍ଡ୍ରେଇଂନେ ବାରି ଜାଗୁଆଲ୍‌ ରେମୁଆଁଇଂନେ ବାଗ୍‌ ବିଃକେ । ବାରି ରେମୁଆଁଇଂ ଲେବୀୟଇଂ ଆତ୍‌ଲା ଜିନିସ୍ ଆର୍‌ମେ ଆର୍‌କେ ବାରି ଲେବୀୟଇଂ ହାରୋଣନେ ଗଗିସିଆଇଂନେ ଆତ୍‌ଲା ଜିନିସ୍ ଆର୍‌ମେ ଆର୍‌କେ ।