8 ବାରି, ମେଇଂ ନିମାଣ୍ଡା ବାବ୍ରେ ପର୍ମେସର୍ନେ ନିଅମ୍ ବଇକେ ଲଃଆର୍କେ ବାରି ମେଇଂ ଆତ୍ଅରିଆନେ ଅର୍ତ ଆଃବୁଜେ ବିଃଆର୍କେ, ତେଲା ରେମୁଆଁଇଂ ଲଃକ୍ନେ ବଇ ବୁଜେ ଆର୍କେ । 9 ବାରି, ସାସନ୍ଡିଂଣ୍ଡ୍ରେ ନିହିମୀୟା ବାରି ଗ୍ର ବାରି ପୁଜାରି ଏଜ୍ରା ବାରି ରେମୁଆଁଇଂନେ ଗ୍ର ଲେବୀୟଇଂ ସାପାରେକେ ବାସଙ୍ଗ୍କେ, "ଆକେନ୍ ଦିନା ମାପ୍ରୁ ପେନି ପର୍ମେସର୍ନେ ମ୍ନିରେ ପବିତ୍ର ଡିଙ୍ଗ୍ଲେଃଏ । ଦୁକ୍ ଆଡିଙ୍ଗ୍ପା କି ଆହଗ୍ପା ।" ମାତର୍ ନିଅମ୍ ବଇନେ ବ୍ନାଲିର୍ ଅଁଚେ ସାପାରେ ଅଃଆର୍କେ । 10 ଆରି, ମେଁ ଆମେଇଂକେ ବାସଙ୍ଗ୍କେ, "ନିଜର୍ ନିଜର୍ ଗାଲିପାକା ୱେଲାପା, କ୍ରି ଲାଏଃକ୍ନେ ଜିନିସ୍ ଚଙ୍ଗ୍ପା ବାରି ମ୍ବ୍ରେକ୍ନେ ଜିନିସ୍ ଉଗ୍ପା ବାରି ଜା ଆତ୍ଲା ମେଃଡିଗ୍ ଆଃରେ ଆବ ଣ୍ଡୁ, ମେଁ ଡାଗ୍ରା ଚଙ୍ଗ୍ନେ ଜିନିସ୍ ବେପା । ମେଁ ଡାଗ୍ଲା ଆକେନ୍ ଦିନା ନେ ମାପ୍ରୁନେ ଆତ୍ଲା ପବିତ୍ର ଦିନ୍, ପେ ଦୁକ୍ ଆଡିଂଗେପା । ମେଁ ଡାଗ୍ଲା ମାପ୍ରୁନେ ସାର୍ଦା ପେ ଆତ୍ଲା ବପୁ ରକମ୍ ।"
11 ଦେକ୍ରକମ୍ ଲେବୀୟଇଂ ସାପାରେକେ ଆଃବୁଙ୍ଗ୍ଚେ ବାସଙ୍ଗ୍କେ, "ବୁଙ୍ଗ୍ପା, ଏଃକେ ପବିତ୍ର ଦିନ୍ ! ପେ ମନ୍ ଦୁକ୍ ଆଡିଂଗ୍ପା ।" 12 ଆତ୍ବାନ୍ ରେମୁଆଁଇଂ ମେଇଂ ଡାଗ୍ରା ବାସଙ୍ଗ୍ବକ୍ନେ ବ୍ନାଃଲିର୍ ସାପା ବୁଜେକେସାଃ ମେଇଂ ସାପାରେ ଚଙ୍ଗ୍ଉଗ୍ନେସା ବାରି ଇତୁଡ଼ା ରକମ୍ ଚଙ୍ଗ୍ନେ ଜିନିସ୍ ବେନ୍ସା ବାରି ଜବର୍ ସାର୍ଦା ଡିଂନେସା ନିଜର୍ ନିଜର୍ନେ ଗାଲିପାକା ଅଲେଙ୍ଗ୍ଆର୍କେ ।