5 Luzimbakani kweno nsyamusunu yi luhaana Nzambi, bonso bu kakwe haaninanga yo ku baala bandi e?

«Mwana ani, kuyinandi nsembolo zi Mfumu ko,

Kulebakanandi bu kakwe kuhaananga masembo ko.

6 Mu dyambu ti Mfumu kwe sembanga yondowo wu katiidi,

*kwe sungikanga yondowo wu kazebi bonso mwana andi.»

7 Vibidileeno mpasi zina lusembila Nzambi: yandi kwe lubongilanga bonso baala bandi. Nganunu kuu na mwana wu bakwe lembolo sembanga ku tata andi e? 8 Tala ti balusembanga ko bonso bu bakwe sembanga baala bamvimba, buna luu nkatika baala ko, kansi baala bamakangu ludi. 9 Tubambukeeno moyo mu matata meto ma luse lu butoto: bedi tusembanga na twedi bavuminanga. Buna bwabobo mpe tufweti banga mu luyinunu ku Tata eto wuu ku yulu, mwanki tubaka luzingu.