ኢዮባ 29

1 ኢዮብ ቃይካ ሀዋዳን ያጌዳ፤ 2 "ሀእ ታ ደእያ ደኡ ጾሳይ በን ታና ናጌዳ ዎድያዋ ማላ ግዴረኔሻ! 3 አ ጾምፒ ታ ቦላ ፖእና፥ ታን ማን አደ አ ፖኡዋን ሀመታድ። 4 ሄ ዎዲ ጾሳይ ታናነ ታ ሶ አሳ ናግና፥ ታን ታ ኩመን ዎልቃና ደኤዳ ዎደ። 5 ሄ ዎደ ኡባ ዳንዳይያ ጾሳይ ታናና ደኤ፤ ታ ናናቱካ ታ ዩሹዋን ደኢኖ። 6 ታን ታ ኩሽያ ማን ሜጨታድ፤ ታ ዎጋራ ጉምኢያሳፐካ ዛይቲ ሻፋዳን ጎጌዳ።

7 "ታን ካታማን ደእያ ፕርዳ ጎልያ ቤዳ ዎደ፥ ዳናቱዋና እትፐ ኡታድ። 8 ሄ ዎደ ያላጋቱ ታና በኢደ፥ ኦግያ እሜድኖ፤ ጭማቱካ ታና ቦንቻናዉ ደንድ ኤቄድኖ። 9 ካፓቱ ሃሳይያዋ አግ ባሼድኖ፤ ባረንቱ ዶናንካ ባረንቱ ኩሽያ ዎድኖ። 10 ሄ ካታማን ደእያ ዎልቃማ አሳቱካ ጮኡ ጌድኖ፤ ኡንቱንቱ እንጻርሳይካ ኡንቱንቱ ኮክያ ባቂ ኦይቄዳ።

11 "ታዋ ስሴዳዋንቱነ ታና በኤዳዋንቱ ኡባይ ታና ጋላቲደ ሃሳዬድኖ። 12 አያዉ ጎፐ፥ ማዶ ዋስያ ህዬሳቱዋነ አዉ አታ ይና፥ ማድያዌ ባይናዋንታ ታን አሻድ። 13 ሀይቃና ሀንያ ብታኒ ታና አንጄዳ፤ አምአታካ ታ ማዱዋን ናሸታዱ። 14 ታን ጽሎተ ማዩዋዳን ማያድ፤ ሱረ ፕርዳይካ ታ አፍላ ማላነ ቁማሻ ማላ። 15 ታን ቆቀቶ አይፍያ፥ ዎባቱዋ ገድያ ግዳድ። 16 ህዬሳቶ አዉዋ ግዳድ፤ ታን ኤረና አሳቶካ አባካቶ ግዳድ። 17 ታን ኢታቱዋ ጋፓታ መንድ፤ ኡንቱንቱ ሻንካቲደ ኦይቄዳዋንታካ ኡንቱንቱ ዶናፐ ዎ አካድ።

18 "ታን ታ ቆፋን፥ ‘ታን አዱሳ ላይ ታ ሶ አሳ ግዱዋን ደኣደ ሀይቃና። 19 ታን ባረ ጻጶቱዋ ሃ ግዶ የዴዳነ ከተርሳይ ቃማ ኡባን አ ታሽያ ቦላ ደእያ ም ማላ። 20 ታን ኡባ ዎደካ ቦንቼታደ ደአና፤ ታ ዎልቃይካ ኡባ ዎደ ኦራጻና’ ጋደ ቆፓድ።

21 "ታን ሃሳይያዋ አሳይ ስርጵ ግ ሀይዚደ፥ ታ ዞርያ አኬዳ። 22 ታን ሃሳዬዳዋፐ ጉይያን፥ ኡንቱንቱ ዛረደ ሃሳይበይክኖ፤ አያዉ ጎፐ፥ ታ ቃላይ ኡንቱንቱ ዎዛናን ጾኬዳ። 23 ጎሻንቻይ እራ ናግያዋዳን፥ ኡንቱንቱ ታን ሃሳያናዋ ስሳናዉ ሀንጊደ ናጌድኖ። 24 ኡንቱንቱ ህርግ ኡት ደእሽን፥ ታን ታ ሶምኡዋ ፓሽክሳድ፤ ሄዋን ኡንቱንቱ ምንቴድኖ። 25 ታን ኡንቱንቱ ደአና ኦግያ ዶራድ፤ ኡንቱንቱ ካፑዋዳን ኡታድ። ባረ ኦላንቻቱዋ ግዶን ደእያ ካትያዳን፥ ታን ኡንቱንቱ ግዶን ደኣድ። ቃይ ካዮትያዋንታ ምንያ አሳ ማላ ግዳድ።