19 Akwɛyi oko awu a gba wu opwu te, <<Adakwogba,>> Mi ma mate ŋɔ kwu anukenzu tayi. 20 Umbetenzu ɔ lɛ Ukpo mu lɔwa ndɔlɛ, lunyi Azhu ba lu zɔ te mu Ɔzhɛrusalɛ gba ifate lɔ lɛ Ukpo le.>>
21 Akwɛyi Ɔzhizɔsi a za wu te, <<Ɛnɛ, nyama la iso mi, kwuye kwu yi mu inyɔma memowu bɔkɔ enzu ɔɔ lɛ Ukpo mu lɔwa ndɔlɛ mo ba ɔ lɛ wu mu Ɔzhɛrusalɛ mo.>> 22 Lunyi enzu umba Osamariya lu lɛ kiya ingyi bɔkɔ lu yitu ngyi mo; kinzu ba ki lɛ kiya ingyi bɔkɔ ki yitu ngyi, moo isama i ngyi mba Azhu. 23 Tetete kwuye kwu yi mu inyɔma, kekelele lakwu bo-o bɔkɔ enzu umba o gbo Ukpo oya ngboro ogbo wu mu kwundu mbala ongbulolo, moo enzu wa gbo Ukpo oya mbɔlɛ te gba Ukpo a gagyi le. 24 Ukpo akwu kwundu, enzu wa gbo wu oya ba mega o lɛ wu mu kwundu mbala ongbulolo.>>
25 Oko awu a zɔ te, <<Mi yitu te Omezaya>> (uwu bɔkɔ o ya wu te Okrasi awu) <<e yi mu inyɔma. kwuyengwu e bo, a zɔ nzu kiya iŋyyinangyina.>>
26 Akwɛyi Ɔzhizɔsi a za wu te, <<Imi uwu mi yi mu iso isomo mbala ŋa le gba mi kwu Okrasi le.>>