4 Jaalala ossita, arjatte, gaabbitaba’a, hollitaba’a ifinna dukaba’a, 5 hassissabaaxxa assitaba’a, umo ifikee calla kaddaaxxa halstaba’a, hifattaba’a, ballees godoba uggudhitaba’a. 6 Jaala dhugaate’n gammaddaa malee’e fuggoxxe’ni gammadaba’a. 7 Jaalala duuchchii wodda ossitaan, duuchchii wodda amnadaan, duuchchii wodda addataan, duuchchii wodda ti’ni hitee urritaan.

8 Jaalala duuchchii woddi’a ibbaba’a, raagake kadoole gata; haaroke laagadinni haaso’ate kaddoole uurta; ege’nate kaddoolenna gatta.