1 "ኤፈሶና ዎሳ ኬ ኪታንቹዋስ ሀይሳዳ ያጋዳ ፃፋ።

ባ ኡሻቻ ኩሸን ላፑን ፆልንቶታ ኦይክዳይስነ ላፑን ዎርቃ ኮጫታ ግዶራ ሄመተይስ ሀይሳዳ ያጌስ፦ 2 ታኒ ነ ኦሱዋ፥ ነ ዳቡራነ ነ ገንጫ ኤራይስ። ኔኒ ኢታ አሳታባ ገንጫናዉ ዳንዳአቦናይሳ ኤራይስ። ቃስ ሀዋረ ግዶናሽን ባንታና፥ ሀዋረ ገይሳታ ፕልጋ ኤራዳ ኤንቲ ዎርዳንቾ ግደይሳ ደምዳይሳ ታ ኤራይስ። 3 ኔኒ ገንጫዳሳ፤ ታ ሱን ግሾ መቶ ዳንዳአዳሳ፤ ፆነታባካ። 4 ግዶሽን፥ ሀእ ታ ነና ቦርያባይ ደኤስ፤ ሄስካ ኔኒ፥ ነ ኮይሮ ሲቁዋ አጋዳሳ። 5 ህዛ፥ ነ አይ መላ ቃ በሳፈ ኩንድዳኮ አኬካ! ነ ናጋራፐ ስማ፤ ኔኒ ካሰ ኦያ ኦሱዋ ኦ። ኔኒ ነ ናጋራፐ ስሞና እፅኮ፥ ነ ፆምፐ ዎያ ኮጫ እያ በሳፈ ኤካና። 6 ሀእ ታ ነና ናሽያ እስባይ ደኤስ፤ ታ እፅያ ንቆላዌታ ኦሱዋ ነካ እፃዳሳ።

7 ጌሻ አያናይ ዎሳ ኬታስ ግያባ ስአናዉ ሀይ ደእያ ኦንካ ስኦ። ፆንያ ኦንካ ፆሳ ጋናትያን ደእያ ደኦ ም አይፈፐ ማና መላ ማታ እማና።"✝2:7 መ 2:9፤ ቆን 22:2፤ ህዝ 28:13፤ 31:8.

8 ሳምርኔሳ ዎሳ ኬ ኪታንቹዋስ ሀይሳዳ ያጋዳ ፃፋ።

"ኮይሮይነ ዉርሰይ፥ ሀይቅዳይስነ ሀይቆፐ ደንድዳይስ ሀይሳዳ ያጌስ፦✝2:8 እሳ 44:6፤ 48:12፤ ቆን 1:17፤ 22:13.

9 ታኒ ነ ዋያነ ነ ማንቆተ ኤራይስ፤ ግዶሽን ኔኒ ዱረ። አይሁደ ግዶናሽን ባንታና አይሁደ ገይሳት ጫይያ ጫሻ ታ ኤራይስ፥ ሽን ኤንቲ ፃላሄ ማባራን ደኦሶና። 10 ኔኒ ኤካናዉ ደእያ ዋይያ ባቦፋ። ፃላሄይ ህንተፈ እሶታ እሶታ ፓጫናዉ ቃሾ ኬን የጋና፤ ታሙ ጋላስ ጋካናዉ ህንተ ዋየታና። ሀይቃና ጋካናዉ አማነትዳይሳ ግዳ፤ ታ ነዉ ደኦ ካላቻ እማና።"

11 "ጌሻ አያናይ ዎሳ ኬታስ ግያባ ስአናዉ ሀይ ደእያ ኦንካ ስኦ። ፆንያ ኦንካ ናምአን ሀይቁዋን ቆሄተና።"✝2:11 ቆን 20:14፤ 21:8.

12 "ጳርጋሞና ዎሳ ኬ ኪታንቹዋስ ሀይሳዳ ያጋዳ ፃፋ።

ናምኡ ባጋራ ቃራትዳ ማሻይ ደኤይስ ሀይሳዳ ያጌስ፦ 13 ታኒ ነ ደእያ በሳ ኤራይስ፤ ኔኒ ፃላሄ አራታይ ደእያ በሳን ደኣሳ፤ ታ ሱን ምን ናጋዳሳ። ሀር አቶሽን፥ ፃላሄይ ደእያ ህንተ ካታማን ሀይቅዳ ታ አማነትዳ ማርካይ፥ አንትጳስ፥ ደእያ ዎደካ አማኑዋ አጋባካ።

14 ግዶሽን፥ ታ ነና ቦርያ ጉባት ደኦሶና። ሄስካ እስራኤለ አሳይ ኤቃስ ያርሸትዳ ካ ምድ ቱናና መላነ ላይማተ ናጋራ ኦና መላ ባላቃ ታማርስዳ ባላማ ትምርትያ ኤክዳ እስ እስ አሳት ኔራ ደኦሶና።✝2:14 ታይቦ 22:5. 15 ሄሳዳካ፥ ንቆላዌታ ትምርትያ ታማርያ አሳት ኔራ ደኦሶና። 16 ሄሳ ግሾ፥ ኔኒ ነ ናጋራፐ ስማ። ሄስ ሀኖና እፅኮ፥ ታ ኔኮ ኤለሳ ያዳ ሄ አሳታ ታ ዶናፐ ከይያ ማሻን ኦላና።"

17 ጌሻ አያናይ ዎሳ ኬታስ ግያባ ስአናዉ ሀይ ደእያ ኦንካ ስኦ። ፆንያ ኦደስካ ቆሰትድ ደእያ ማናፈ*2:17 ማና፦ እስራኤለ አሳይ መላ ቢታን ሄመትያ ዎደ ሳሎፐ ፆሳይ ኤንታዉ እምዳ ዱማ ካ ዎይኮ ኪታንቾ ካ። እማና። ቃስ ኤክያ ኡራፐ አትሽን፥ ሀራ አስ ኤሮና ኦራ ሱንይ ፃፈትዳ ቦ ሹቹ ታኒ እያዉ እማና።✝2:17 ከሳ 16:14.

18 "ትያትሮና ዎሳ ኬ ኪታንቹዋስ ሀይሳዳ ያጋዳ ፃፋ።

ታማ ላጮ ዳንያ አይፈይ ደኤይስ፥ ቃስ ታማን ሴርዳ ናሰ ብራታ ዳንያ ቶሆይ ደኤይስ፥ ፆሳ ናአይ፥ ሀይሳዳ ያጌስ፦ 19 ታኒ ነ ኦሱዋ፥ ነ ሲቁዋ፥ ነ አማኑዋ፥ ነ ኦሱዋነ ነ ገንጫ ኤራይስ። ኔኒ ኮይሮ ኦይሳፈ ሀእ አዳ ኦይሳካ ኤራይስ።

20 ግዶሽን፥ ታ ነና ቦርያ እስባይ ደኤስ፤ ባና ናበ ግያ ማጫስዉ፥ ኤልዛቤሎ፥ አይኮካ ጋባካ። ሄ ማጫስያ ኤቃስ ያርሸትዳ ካ ምድ ቱናናዳነ ላይማታናዳ ኦዳ ታ አይለታ ባለሱ።✝2:20 1 ካዎ 16:31፤ 2 ካዎ 9:22. 21 እያ ባ ናጋራፐ ስማና መላ ታ እዉ ዎደ እማስ፥ ሽን እያ ስማናዉ ኮያቡኩ። 22 ኤንቲ እ ባላ ኦግያፐ ስሞና እፅኮ፥ ታ እዮ ኢታ ሀርገን የጋና፤ ኢራ ላይማተይሳትካ ኢታ ዋየ ዋየታና። 23 ታኒ እ ናይታ ዎና፤ ቃስ ዎሳ ኬ ኡባይ ታ አሳ ቆፋነ አሳ ዎዛና ኤረይሳ ግደይሳ ኤራና። ታ እሱዋስ እሱዋስ ህንተ ኦሱዋዳ ኦሱዋዳ እማና።"✝2:23 ማዝ 7:9፤ ኤርም 17:10፤ ማዝ 62:12. 24 ሽን ትያትሮናን ደእያ ሀራታ፥ ሄ ኢታ ትምርትያ ኤክቦናይሳታነ፥ "ፃላሄ ግታ ፁራ" ጌተትያ ሀ ትምርትያ ታማርቦና ህንተና ሀራ ዴፆ ቶሆ ቶስከ። 25 ግዶሽን፥ ታ ያና ጋካናዉ ህንተዉ ደእያባ ምን ናግተ።

26 ፆነይሳስነ ዉርሰ ጋካናዉ ታዉ ኪተትያ ኦደስካ ካዎተታ ሃራና መላ ማታ እማና።✝2:26 ማዝ 2:8-9.

27 "እ ኤንታ ብራታ ፃምአን ሃራና፤

መቃ ሚሸዳካ መንረና።"

ሄ ማታይ ታኒ ታ አዋፐ ኤክዳ ማታ መላ። 28 ቃስ ታ እያዉ ባካላ ፆልንቶ እማና። 29 ጌሻ አያናይ ዎሳ ኬታስ ግያባ ስእያ ሀይ ደእያ ኦንካ ስኦ። Seven Churches of Asia