Luke 9

yesuwε eyazen etlemδas leθnac

1 usiyn inabe yesuwε etlemδas leθnac yucasen elquwweθ f ecyaĎen elkul delquδreθ f usebri seg eTTaneθ elkul, 2 yezenten bac e becren s elmemlxeθ nrebbi eSSebren imuwĎan. 3 yennasen: «eθewyem Hette cey ywebriδennum: la etteγriyθ, ziyγ ettecxarθ, ziyγ δeγrum, ziyγ δlefluws, weθegemc sent δelqeĎεaθ ywariδ. 4 welHuwc elli etteδfem, eqqiymeθ diyn, elmeθerHlem esyiyn. 5 utemuwreθ elli exenqeblenc midnes, efγeθ essis teferDem tγuwbret seg ikreεnennum δeccehδeθ fellasen.» 6 efγen etlamδe enden g timuwre etbecren g elbcareθ weSSebran g imuwDan.