ഇയ്യോബ് 38

4 "ഞാൻ ഭൂമിക്ക് അടിസ്ഥാനമിട്ടപ്പോൾ നീ എവിടെയായിരുന്നു?

നിനക്കു വിവേകമുണ്ടെങ്കിൽ പ്രസ്താവിക്കുക.

5 അതിന്‍റെ അളവ് നിയമിച്ചവൻ ആര്‍? നീ അറിയുന്നുവോ?

അല്ല, അതിന് അളവുനൂൽ പിടിച്ചവനാര്‍?

6 അതിന്‍റെ അടിസ്ഥാനം ഏതിന്മേൽ ഉറപ്പിച്ചു?

അല്ല, അതിന്‍റെ മൂലക്കല്ലിട്ടവൻ ആര്‍?

7 പ്രഭാതനക്ഷത്രങ്ങൾ ഒന്നിച്ച് ഘോഷിച്ചുല്ലസിക്കുകയും

ദൈവപുത്രന്മാരെല്ലാം സന്തോഷിച്ചാർക്കുകയും ചെയ്തപ്പോൾ?

8 "ഗർഭത്തിൽനിന്ന് എന്നപോലെ സമുദ്രം ചാടിപ്പുറപ്പെട്ടപ്പോൾ

അതിനെ കതകുകളാൽ അടച്ചവൻ ആര്‍?

9 അന്നു ഞാൻ മേഘത്തെ അതിന് ഉടുപ്പും

കൂരിരുളിനെ അതിനു ചുറ്റാടയും ആക്കി;

10 ഞാൻ അതിന് അതിര്‍ നിയമിച്ചു

കതകും ഓടാമ്പലും വച്ചു.

11 ‘ഇത്രത്തോളം നിനക്കുവരാം; ഇത് കടക്കരുത്;

ഇവിടെ നിന്‍റെ തിരമാലകളുടെ ഗർവ്വം നിലയ്ക്കും’ എന്നു കല്പിച്ചു.