Efésios 6

13 Kwambuli iyo, soleni migoha ya Mulungu ili zua ijo dihavika mdahe kuihuma bung’hukila ya wahasanyi, na mwahaitoa mbaka hachikomelezo, mokua mng’hali mgangamale. 14 Ivo, itandeni goya. Muifunge mkwiji mvigudi venu, kutogola kwenu kuwe kama ngwamo ya kuikimila mzi mhambaga zenu, 15 kuitanda goya kupwilisa Usenga Unogile wa utindiwala ukale kama vilatu mmagulu genu. 16 Kulu kubita zose kumtogola Mulungu kwenu kuwe kama ngwamo mmakono genu, kuwadahize kuikimila misale ya moto ya ija Mwenembago.

17 Ubokeleni ulohozi kama kofia jenu da zuma, na usenga wa Mulungu kama panga dimwing’higwe na Muhe wa Mulungu. 18 Mfugamileni Mulungu mazua gose, kuno mopula utazi wa Mulungu. Chila mala mfugamileni kwa udaho wa Muhe wa Mulungu. Kaleni meso mpula bila kulegela mhafugama kwambuli ya wanhu wose wa Mulungu.