1 Kwaivo sambi Mulungu hawenukila waja wailumbile na Kilisito Yesu. 2 Kwavija ndagizi ya Muhe wa Mulungu igala ugima kwa kuilumba na Kilisito Yesu ining’ha kuilegeha kulawa muindagizi ya malozo na ifa. 3 Mulungu kasang’hana mbuli ija ndagizi ipotigwa kusang’hana kwambuli ya uzidilwa wa chiunhu. Mulungu kamtuma Mwanage yeli na lukuli uilingile na ng’huli zetu cheye chili na malozo, ili yagahume malozo, na kwalukuli lulo kagamala malozo. 4 Mulungu kasang’hana ivo ili viilonda ndagizi isang’hanike goya kumwetu cheye chili na ugima, sio kwa ludabwa lwa lukuli, mbali kwa udaho wa Muhe wa Mulugu.